સોમવાર, 19 નવેમ્બર, 2018


એક ભારતીયના પ્રયાસના કારણે હવે ઉજવાય છે ઈન્ટરનેશનલ મેન્સ ડે

 Image result for international men's day
ઘણાને ખબર નહી હોય પણ આજે ઈન્ટરનેશનલ મેન્સ ડે એટલે કે આંતરરાષ્ટ્રિય પુરુષ દિવસ છે.
પરિવારથી માંડીને સમાજમાં પુરુષનુ પણ યોગદાન હોય છે.જોકે એ વાત અલગ છે કે પુરુષો પોતાની લાગણીઓને અસરકારક રીતે વ્યક્ત કરી શકતા નથી.આમ છતા તે પોતાની ફરજને ઈમાનદારીથી નિભાવવાનો પ્રયત્ન કરતા હોય છે.
પુરુષોના યોગદાનની નોંધ લેવા માટે અમેરિકાની મિસોરી યુનિવર્સિટીના અધ્યાપક થોમસ યોસ્ટરે પ્રયત્નો કર્યા બાદ પહેલી વખત 1992માં આંતરાષ્ટ્રિય પુરુષ દિવસની ઉજવણી કરાઈ હતી.જોકે 1995 આવતા સુધીમાં આ ઉજવણી બંધ થઈ ગઈ હતી.કારણકે તેમાં કોઈએ ઝાઝો રસ બતાવ્યો નહતો.
એ પછી ત્રિનીદાદ એન્ડ ટોબેગોના ભારતીય મૂળના નાગરિક ડો.જિરોમ તિલકસિંહે ફરી પુરુષ દિવસના સેલિબ્રેશનના પ્રયાસો શરુ કર્યા હતા.તેમનુ માનવુ હતુ કે સમાજમાં પુરુષોનુ આત્મસન્માન પણ જળવાવુ જોઈએ અને તેમને પડતી સમસ્યાઓનુ પણ સમધાન થવુ જોઈએ.તેમને લાગ્યુ હતુ કે તેમના માટે સૌથી સન્માનિય તેમના પિતા છે.એટલે તેમણે તેમના પિતાના જન્મ દિવસ 19 નવેમ્બરને મેન્સ ડે તરીકે ઉજવવાનુ વિચાર્યુ હતુ.
1989માં પહેલી વખત ફુટબોલ વર્લ્ડકપમાં ટ્રિનિડાડની ટીમે ક્વોલિફાય કર્યુ હત અને આ પણ 19 તારીખનો જ દિવસ હતો.એટલે જિરોમે 19 નવેમ્બરને આંતરરાષ્ટ્રિય પુરષ દિવસ જાહેર કરવાના પ્રયાસો કર્યા હતા.જિરોમના પ્રયાસના પગલે યુનેસ્કોએ 19 નવેમ્બરને પુરુષ દિવસ જાહેર કરી દીધો હતો.
આજે દુનિયાના 70 દેશોમાં પુરુષ દિવસની ઉજવણી કરાઈ છે.ભારતમાં પહેલી વકત 2007માં પુરુષ દિવસનુ આયોજન કરવામાં આવ્યુ હતુ

ટિપ્પણીઓ નથી:

ટિપ્પણી પોસ્ટ કરો