સરકારે 9 નવા સ્માર્ટ સિટીઝની જાહેરાત કરી

Click here for online exam

હાઉસિંગ અને શહેરી બાબતોના કેન્દ્રીય પ્રધાન હરદીપસિંહ પુરીએ સ્માર્ટ સિટી મિશન હેઠળ નવ સ્માર્ટ શહેરોનો એક નવો બેચ જાહેર કર્યો છે. ચોથા રાઉન્ડમાં આ 9 સ્માર્ટ શહેરોના ઉમેરા સાથે, સ્માર્ટ સિટી મિશન હેઠળ કુલ શહેરોમાં વધારો થયો છે, જે 99 સુધી પહોંચી ગયો છે.

મુખ્ય હકીકતો

નવ શહેરોમાં ઉત્તર પ્રદેશ- મોરાદાબાદ, બરેલી અને સહારનપુર, બિહાર શરિફ (બિહાર), સિલ્વાસા (દાદરા અને નગર હાવલી), ઇરોદ (તમિલનાડુ), દમણ અને દીઉ, ઈતાનગર (અરુણાચલ પ્રદેશ) અને કવરાતિ (લક્ષદ્વીપ) ના ત્રણ શહેરોનો સમાવેશ થાય છે . પસંદગીના નવ શહેરોએ રૂ. 12,824 કરોડનું રોકાણ કરવાની દરખાસ્ત કરી છે. આનાથી આ વિસ્તારોમાં રહેતા 35.3 લાખ લોકો પર અસર પડશે.

સ્માર્ટ સિટી મિશન એટલે કે સ્માર્ટ સિટી મિશન હેઠળ 10 મુખ્ય આંતરમાળખાકીય ઘટકો છે. પર્યાપ્ત પાણી પુરવઠો; ખાતરી વીજળી પુરવઠો; કાર્યક્ષમ શહેરી ગતિશીલતા અને જાહેર પરિવહન; સ્વચ્છતા, ઘન કચરાના વ્યવસ્થાપન સહિત; પોષણક્ષમ હાઉસિંગ, ખાસ કરીને ગરીબો માટે; મજબૂત આઇટી જોડાણ અને ડિજિટલકરણ; સુશાસન, ખાસ કરીને ઈ-ગવર્નન્સ અને નાગરિકની ભાગીદારી; ટકાઉ વાતાવરણ; નાગરિકોની સલામતી અને સલામતી, ખાસ કરીને સ્ત્રીઓ, બાળકો અને વૃદ્ધો; અને આરોગ્ય અને શિક્ષણ.

વાયરા વાયા વસંતના...: આજે વસંત પંચમી સાથે ત્રણ પર્વોની એકસાથે ઉજવણી કરાશે

Click here for online exam

-બાગ-બગીચાઓમાં વાસંતી છવાશે: સરસ્વતી માતાના પૂજન માટે સર્વશ્રેષ્ઠ દિવસ

-વસંત પંચમી ઉપરાંત સ્વામિનારાયણ સંપ્રદાયમાં શિક્ષપત્રી જયંતિ, શ્રી પંચમી પણ ઉજવાશે

'વાયરા વાયા વસંતના, હું ના જાણું કેમ હૈયાને ગમતા કે વાયરા વસંતના...' ભારતીય સંસ્કૃતિમાં આવતતી છ ઋતુઓમાં જેને રાજા ગણવામાં આવે છે વસંત પંચમીનું પર્વ આજે ઉજવાશે. કહેવામાં આવે છે કે વસંત પંચમીથી પ્રકૃતિનું રમણીય રૃપે સોળે કલાએ ખીલી ઉઠે છે.

આજે વસંત પંચમી ઉપરાંત શ્રી પંચમી, સ્વામિનારાયણ સંપ્રદાયમાં શિક્ષાપત્રીની જયંતી તેમજ ગાયત્રી પરિવારના સંસ્થાપક પં.રામ શર્મા આચાર્યજીનો આધ્યાત્મિક જન્મદિન પણ ઉજવાશે.

સરસ્વતી માતાની ઉપાસના માટે વસંત પંચમી સર્વશ્રેષ્ઠ દિવસ છે. જ્યોતિષીઓના મતે આ દિવસે દેવી સરસ્વતીની કૃપા મેળવવા માટે 'ઓમ્ સરસ્વત્યૈ નમઃ' મંત્રનો જાપ કરવો જોઇએ. સરસ્વતી પૂજા કરવા માટે સવારે ૭:૨૧થી બપોરે ૧૨:૩૬નું શુભ મુહૂર્ત છે.

આ દિવસે પુસ્તકોનું પણ પૂજન કરવામાં આવે છે. સ્વામિનારાયણ ભગવાને સ્વહસ્તે લખેલા ગ્રંથ સર્વજીવહિતાવહ શિક્ષાપત્રીની ૧૯૨મી જયંતિ પણ વસંત પંચમીના છે. આ પ્રસંગે સ્વામિનારાયણ મંદિરોમાં વિશિષ્ટ આયોજનો કરવામાં આવ્યા છે.

કુમકુમ મંદિરના સાધુ પ્રેમવત્સલદાસજીએ જણાવ્યું હતું કે, 'આજથી ૧૯૨ વર્ષ અગાઉ કુરિવાજો, અંધશ્રદ્ધા, વ્યસનના સામેના રણસંગ્રામમાં નિસ્તેજ થઇ ગયેલા માનવીઓના જીવનમાં પ્રાણ ફૂંકવા સ્વામિનારાયણ ભગવાને વડતાલ ખાતે સંવત ૧૮૮૨ના વંસત પંચમીના ૨૧૧ શ્લોકમાં માર્ગદર્શન આપવા જે માર્ગદર્શિકા આપી તેનું નામ શિક્ષાપત્રી.

આ અનમોલ શિક્ષાપત્રી સ્વામિનારાયણ ભગવાને રાજકોટ ખાતે મુંબઇના ગવર્નર સર જ્હોન માલ્કમને ૨૬ ફેબુ્રઆરી ૧૮૩૦ના ભેટમાં અર્પણ કરી હતી. હાલ તે  ઇંગ્લેન્ડની ઓક્સફર્ડ યુનિવર્સિટીની બોડ્લીયન લાયબ્રેરીમાં સંગ્રહિત કરવામાં આવી છે. '

ઓ.પી.રાવત નવા મુખ્ય ચૂંટણી કમિશનર, લવાસા ચૂંટણી કમિશનર

Click here for online exam

- હાલના સીઇસી અચલકુમાર જોતી આજે હોદ્દો છોડશે: પંચમાં ત્રણ સભ્યો હોય છે

આગામી મુખ્ય ચૂંટણી કમિશનર તરીકે ઓમ પ્રકાશ રાવતની નિમણુંક કરવામાં આવી છે. હાલના સીઇસી અચલકુમાર જોતી આવતી કાલે નિવૃત્તિ થશે. જોતીની નિવૃત્તિ પછી નાણા મંત્રાલયના પૂર્વ સચિવ અશોક લવાસાને પણ  ત્રણ સભ્યોના પંચમાં ચૂંટણી કમિશનર તરીકે નિમવામાં આવ્યા હતા.પંચમાં સુનીલ અરોરા પણ સભ્ય છે. રાવત ૨૩ જાન્યુઆરી, ૨૦૧૮ના રોજ ચાર્જ સંભાળશે.

"વર્લ્ડ ઈકોનોમિક ફોરમ"માં ભાગ લેવા વડાપ્રધાન સ્વિત્ઝરલેન્ડ પહોંચશે

Click here for online exam

- વડાપ્રધાન નરેન્દ્ર મોદી આપશે ઓપનિંગ સ્પીચ

- પહેલીવાર ભાગ લઈ રહ્યા છે નરેન્દ્ર મોદી

વડાપ્રધાન નરેન્દ્ર મોદી સ્વિત્ઝરલેન્ડ પહોંચ્યા છે. આજથી સ્વિત્ઝરલેન્ડના દાવોસમાં  "વર્લ્ડ ઈકોનોમિક ફોરમ" (WEF)ની શરૂઆત થઈ રહી છે. જેમાં વડાપ્રધાન નરેન્દ્ર મોદી પહેલીવાર ભાગ લઈ રહ્યા છે.

નરેન્દ્ર મોદી સોમવારે ગ્લોબલ CEOs માટે ડિનરનું આયોજન કરશે મંગળવારે તેઓ ઓપનિંગ સેશનમાં ભાષણ આપશે અને ગ્લોબલ બિઝનેસ કોમ્યુનિટી સાથે મુલાકાત પણ કરશે. WEF પાંચ દિવસ ચાલશે. આ સમિટ સ્વિતઝરલેન્ડના સ્કીઈંગ રિસોર્ટમાં રાખવામાં આવી છે. WEFમાં આ વખતે 130થી વધારે દેશ ભાગ લઈ રહ્યા છે.

WEFના ચેરમેન ક્લોસ શ્વોબના જણાવ્યા પ્રમાણે સમિટ સોમવાર સાંજથી શરૂ થશે. મીટિંગમાં થીમ 'ક્રિએટિંગ અ શેર ફ્યૂચર ઈન એ ફ્રેક્ચર્ડ વર્લ્ડ' રાખવામાં આવી છે. આ ફોરમમાં શાહરૂખ ખાન, ઓસ્ટ્રેલિયન એક્ટ્રેસ કેટ બ્લેંચેટ, લેજન્ડરી બ્રિટિશ સિંગર એલ્ટન જોનનું સન્માન પણ કરવામાં આવશે.

રાષ્ટ્રપતિએ ઐશ્વર્યા સહિત ૯૦ મહિલાને 'ફર્સ્ટ લેડીઝ' એવોર્ડ આપી સન્માનિત કરી

Click here for online exam

- કુલ ૧૧૨ ક્ષેત્રની 'ફર્સ્ટ વિમેન'નું રાષ્ટ્રપતિ ભવનમાં પહેલીવાર સન્માન

- પર્વતારોહક બચેન્દ્રી પાલ, ફિક્કીના વડા નૈના લાલ કિડવાઇ, પેરાલિમ્પિક ખેલાડી દીપા મલિકને પણ ફર્સ્ટ લ

પહેલી મહિલા કુલી, ટ્રેન ડ્રાઈવર, ફાયર ફાઇટર, ડિટેક્ટિવ તેમજ એન્ટાર્કટિકા પહોંચનારી પહેલી મહિલાઓનું પણ સન્માન

રાષ્ટ્રપતિ રામનાથ કોવિંદે ઐશ્વર્યા રાય બચ્ચન સહિત દેશની ૯૦ મહિલાને ફર્સ્ટ લેડીઝ એવોર્ડ આપીને સન્માન કર્યું હતું. આ મહિલાઓમાં રાજસ્થાનના જયપુરમાં કુલી તરીકે કામ કરતી મંજુ, પર્વતારોહક બચેન્દ્રી પાલ, મિસાઇલ વુમન ટેસી થોમસ, પ્રાઈવેટ ડિટેક્ટિવ રાજાની પંડિત અને પેરાલિમ્પિક ખેલાડી દીપા મલિક, બિઝનેસ વુમન નૈના લાલ કિડવાઇ સહિત ૧૧૨ ક્ષેત્રમાં કાઠુ કાઢનારી મહિલાઓનો સમાવેશ થાય છે.

કેન્સ ફિલ્મ ફેસ્ટિવલમાં ઐશ્વર્યા રાય બચ્ચન ૨૦૦૨થી જ્યૂરી તરીકે સેવા આપે છે. આ સન્માન મેળવનારા તેઓ ભારતના પહેલા અભિનેત્રી છે. આ સિદ્ધિ બદલ તેમને ફર્સ્ટ લેડીઝ એવોર્ડ અપાયો હતો. આ પ્રસંગે રાજસ્થાનના જયપુર રેલવે સ્ટેશન પર કુલીનું કામ કરીને ગુજરાન ચલાવતી મંજુને પણ સન્માનિત કરાઈ હતી. તેઓ ફક્ત ૩૦ કિલો વજન ધરાવતા હોવા છતાં મુસાફરોનો ૩૦ કિલો સામાન ઊંચકે છે. શરૃઆતમાં તેમને કુલી તરીકે કામગીરી કરવા બેજ નહોતો અપાયો, પરંતુ આ રોજગારી તેમણે લડાઈ કરીને મેળવી હતી.

રાષ્ટ્રપતિ ભવનમાં આયોજિત આ સુંદર પ્રસંગે કુલ ૯૦ મહિલા હાજર રહી હતી. રાષ્ટ્રપતિ કોવિંદે કહ્યં હતું કે, સ્ત્રી સશક્તિકરણ અંગે સરકારે કરેલા પ્રયાસોનું પરિણામ દેખાઈ રહ્યું છે, જે આનંદની વાત છે. આ દરમિયાન ફિક્કીના પહેલા મહિલા વડા બનવા બદલ નૈના લાલ કિડવાઈ તેમજ પહેલી મહિલા મર્ચન્ટ નેવી કેપ્ટન, પહેલી પેસેન્જર ટ્રેન ડ્રાઇવર, પહેલી બસ ડ્રાઇવર, પહેલી ફાયર ફાઇટર અને એન્ટાર્કટિકા પહોંચનારી પહેલી મહિલાને પણ ફર્સ્ટ લેડીઝ એવોર્ડ આપીને સન્માનિત કરાઈ હતી.

એમબીએ કરીને રાજસ્થાનમાં પોતાના ગામ સોડામાં સરપંચ બનનારી છાવી રાજાવતને પણ રાષ્ટ્રપતિએ સન્માનિત કરી હતી. રાષ્ટ્રપતિ કોવિંદે કહ્યું હતું કે, એમબીએ કરીને યુવતી ગામ વિશે વિચારે છે. આ પ્રકારના વિચારો આખા દેશને બદલી શકે છે. આ ઉપરાંત દેશની પહેલી પ્રાઈવેટ ડિટેક્ટિવ રાજાણી પંડિતને પણ એવોર્ડ અપાયો હતો. તેમણે ૨૫ વર્ષની કારકિર્દીમાં ૭૫ હજારથી વધુ કેસનો ઉકેલ લાવી દીધો છે. રાષ્ટ્રપતિએ સ્પેશિયલી ચેલેન્જ્ડ યુવતી દીપા સિંઘલને પણ બિરદાવી હતી, જેણે પડકારોનો સામનો કરીને આઈએએસ અધિકારી બની છે.