સોમવાર, 20 ઑગસ્ટ, 2018


એશિયન ગેમ્સ 2018: પહેલવાન બજરંગ પૂનિયાએ ભારતને અપાવ્યો પહેલો ગોલ્ડ

https://www.gujaratsamachar.com/content_image/content_image_9f83a075-6f24-461a-9ce3-8731e0db781f.jpeg

 
18માં એશિયન ગેમ્સમાં પહેલવાન બજરંગ પુનિયાએ ભારતને પહેલો ગોલ્ડ મેડલ અપાવ્યો છે.

આજે ગેમ્સના પહેલા દિવસે તેમણે પુરુષોના 65 કિલોગ્રામ ભારવર્ગ ફ્રિ સ્ટાઇલ સ્પર્ધાની ફાઇનલમાં જાપાનના તાકાતાની દાયચીને માત આપી.

સેમીફાઇનલમાં બજરંગે મંગોલિયાના બાટમગનાઇ બૈટચુલુનને 10-0થી હરાવી ફાઇનલમાં પ્રવેશ કર્યો હતો. આ અગાઉ એશિયન ગેમ્સ 2018માં ભારતે પોતાનો પહેલો મેડલ શૂટિંગમાં હાસિલ કર્યો છે. 10 મીટર એર રાઇફલ મિક્સ ટીમ ઇવેન્ટમાં ભારતની અપૂર્વી ચંદેલા અને રવિ કુમારની જોડીએ બ્રોન્ઝ મેડલ જીત્યો હતો.
 

એશિયન ગેમ્સમાં ભારતનો શુભારંભ કુસ્તીમાં ગોલ્ડ, શૂટિંગમાં બ્રોન્ઝ મેડલ
 
- બજરંગ પુનિયાએ જાપાનના તાકાતાનીને ૧૧-૮થી હરાવીને સુવર્ણ સફળતા મેળવી
- અપૂર્વી ચંદેલા અને રવિ કુમારે મિક્સ પેર શૂટિંગમાં કાંસ્ય સફળતા મેળવી
https://www.gujaratsamachar.com/content_image/content_image_4e637a4e-aa48-44b4-830e-3f2477519bf9.jpeg
 
ઈન્ડોનેશિયામાં શરૃ થયેલી એશિયન ગેમ્સના પ્રથમ દિવસે જ ભારતે કુસ્તીમાં ગોલ્ડ અને શૂટિંગમાં બ્રોન્ઝ મેડલની સાથે શુભારંભ કર્યો હતો. ભારતીય કુસ્તીબાજ બજરંગ પુનિયાએ શાનદાર દેખાવ કરતાં ૬૫ કિગ્રા વજન વર્ગની ફ્રિસ્ટાઈલ ઈવેન્ટમાં ગોલ્ડન સફળતા હાંસલ કરી હતી.

જોકે ભારતનો પવન કુમાર ૮૬ કિગ્રા વજન વર્ગની ફ્રિસ્ટાઈલ રિપેચાર્જમાં મોંગોલિયાના ફહરીન્શાય સામે બ્રોન્ઝ મેડલ બાઉટ હારી ગયો હતો.જ્યારે શૂટિંગમાં ભારતની અપૂર્વી ચંદેલા અને રવિ કુમારની જોડીએ ૧૦ મીટર એર રાઈફલ ઈવેન્ટમાં શાનદાર દેખાવ કર્યો હતો અને બ્રોન્ઝ મેડલ જીત્યો હતો. આ બ્રોન્ઝથી ભારતે ૧૮મી એશિયન ગેમ્સની મેડલ ટેબલમાં ખાતુ ખોલાવ્યું હતુ.