સોમવાર, 17 ડિસેમ્બર, 2018


રાજસ્થાન: ગેહલોતે CM અને પાયલોટે Dy CM તરીકે શપથગ્રહણ કર્યાં




રાજસ્થાનના મુખ્યમંત્રીપદે અશોક ગેહલોત અને નાયબ મુખ્યમંત્રીપદે સચિન પાયલટ શપથ ગ્રહણ કર્યા હતાં. જયપુરના આલ્બર્ટ હોલમાં શપથગ્રહણ સમારોહ યોજાયો હતો.. શપથગ્રહણ સમારોહમાં હાજરી આપવા કોંગ્રેસ અધ્યક્ષ રાહુલ ગાંધી પહોંચ્યા હતાં. તેમની સાથે પૂર્વ વડાપ્રધાન મનમોહનસિંહ સહિતના નેતાઓ પણ પહોંચ્યા હતાં. શપથ સમારોહમાં રાજ્યના ભૂતપૂર્વ મુખ્યમંત્રી વસુંધરા રાજે પણ હાજર રહ્યાં હતાં. 
રાજસ્થાનના રાજ્યપાલ કલ્યાણસિંહે અશોક ગેહલોત અને સચિન પાયલટને શપથગ્રહણ કરાવ્યા હતાં. આજે માત્ર અશોક ગહેલોત અને સચિન પાયલટના શપથ યોજાયા હતાં. જ્યારે બાકીના મંત્રીમંડળના શપથ નામ નક્કી થયા બાદ યોજાશે. આ પહેલા અશોક ગેહલોત બે વખત રાજસ્થાનના મુખ્યમંત્રી તરીકે શપથગ્રહણ કરી ચુક્યા છે. રાજસ્થાનમાં શપથગ્રહણ સમારોહમાં વિપક્ષી પાર્ટીના નેતાઓનો જમાવડો થયો છે.


સિંધુ બેડમિંટન વર્લ્ડ ટુર ટુર્નામેન્ટમાં ચેમ્પિયન : ભારતની સૌપ્રથમ ખેલાડી

 

- ભારતીય બેડમિંટન સ્ટાર સિંધુએ ફાઈનલમાં જાપાનની ઓકુહારાને હરાવી

- ભારતીય બેડમિંટન સ્ટારે મેજર ટુર્નામેન્ટની ફાઈનલમાં હારનો સિલસિલો અટકાવ્યો

 
ભારતની બેડમિંટન સુપરસ્ટાર ખેલાડી પુસાર્લા વેંકટા સિંધુએ ચીનના ગ્વાંગઝૂમાં યોજાયેલી બેડમિંટનની વર્લ્ડ ટુર ફાઈનલ્સ ચેમ્પિયનશીપ જીતી લઈને ભારતીય રમત જગતમાં અદ્વિતિય કિર્તિમાન સ્થાપિત કરી દીધો હતો. બેડમિંટનની ટોચની આઠ ખેલાડીઓ વચ્ચે રમાતી આ સિઝનની આખરી અને એલિટ ટુર્નામેન્ટમાં છેલ્લા ગત વર્ષની રનર્સ અપ સિંધુએ વિમેન્સ સિંગલ્સમાં શાનદાર દેખાવ કરતાં જાપાનની ઓકુહારાને ૨૧-૧૯, ૨૧-૧૭થી હરાવીને ટાઈટલ જીત્યું હતુ.
સિંધુ આ સાથે વર્લ્ડ ટુર ફાઈનલ્સ ચેમ્પિયનશીપ જીતનારી ભારતની સૌપ્રથમ ખેલાડી બની ગઈ છે. આ જીતની સાથે સિંધુએ મેજર ચેમ્પિયનશીપ્સની ફાઈનલમાં હારવાના નિરાશાજનક સિલસિલાનો પણ અંત લાવી દીધો હતો. સિંધુનો આ સતત સાત ટુર્નામેન્ટની ફાઈનલની હાર બાદનો વિજય છે, જેના કારણે પણ આ ટાઈટલનું વિશેેષ મહત્વ છે. હાઈવોલ્ટેજ ફાઈનલમાં સિંધુએ એક તરફી મુકાબલામાં આસાન જીત મેળવી હતી. સિંધુની સફળતાની વિશેષતા એ રહી કે તેણે આખી ટુર્નામેન્ટમાં એક પણ મેચ ગુમાવ્યા વિના ટાઈટલ જીતી બતાવ્યું હતુ. 
ચીનના ગ્વાંગઝૂમાં રમાયેલી બેડમિંટન વર્લ્ડ ફેડરેશનની ફાઈનલમાં સિંધુએ એક કલાક અને બે મિનિટના જોરદાર સંઘર્ષ બાદ વિજય મેળવ્યો હતો. ઓકુહારાની શરૃઆતની ભૂલોનો ફાયદો ઉઠાવતા ભારતની ૨૩ વર્ષની બેડમિંટન ખેલાડીએ સરસાઈ મેળવી લીધી હતી. બંને ખેલાડીઓએ આક્રમક સ્ટ્રોક્સની સાથેે લાંબી રેલિસ કરી હતી, જેમાં સફળતા મેળવતા સિંધુએ એક તબક્કે ૧૪-૬ની સરસાઈ મેળવી હતી. જોકે ઓકુહારાએ મેચમાં પુનરાગમન કરતાં સ્કોરને ૧૬-૧૬ પર લાવી દીધો હતો. જોકે નિર્ણાયક તબક્કે ઓકુહારાના સ્મેશ મેદાનની બહાર જતા રહેતાં સિંધુએ પ્રથમ ગેમમાં રોમાંચક જીત મેળવી હતી. 
બીજી ગેમમાં સિંધુની બે પોઈન્ટની સરસાઈને કવર કરતાં ઓકુહારાએ સ્કોર ૭-૭ કરી દીધો હતો. સિંધુએ આગળ વધવાના પ્રયાસ જારી રાખતાં ૧૮-૧૬થી સરસાઈ મેળવી લીધી હતી. આ પછી સિંધુને ત્રણ મેચ પોઈન્ટ મળ્યા હતા અને તેણે આસાનીથી જીત હાંસલ કરી હતી.

છત્તીસગઢ: ભૂપેશ બઘેલ મુખ્યમંત્રી પદના શપથ લીધા

Image result for bhupesh-baghel-new-chief-minister-of-chhattisgarh

છત્તીસગઠમાં પહેલી વખત વિધાનસભા ચૂંટણી જીતીને કોંગ્રેસે અહીં સરકાર બનાવી છે. કોંગ્રેસના ધારાસભ્ય દળના નેતા ભૂપેશ બઘેલ છત્તીસગઢના નવા મુખ્યમંત્રી બન્યા છે. 

સોમવારે સાંજે તેમણે રાયપુરમાં આયોજીત સમારોહમાં પદ અને ગૃપ્તતાના શપથ લીધાં. રાજ્યપાલ આનંદીબેન પટેલે તેમને પદ અને ગૃપ્તતાના શપથ લેવડાવ્યા. ભૂપેશ બઘેલ સિવાય કોંગ્રેસના સિનિયર નેતા ટી.એસ. સિંહદેવ અને તામ્રધ્વજ સહૂએ પણ શપથ લીધાં.



માલદિવના રાષ્ટપતિ ભારતના પ્રવાસે, બંન્ને દેશ વચ્ચે થયા 4 MoU

 Image result for india-maldeves-signs-4-mous-pm-narednra-modi-maldeves-president-ibrahim-mohamed-solih

માલદિવના રાષ્ટ્રપતિ ઇબ્રાહિમ સોહિલ ત્રણ દિવસની ભારતની રાજકિય યાત્રા પર છે. એક મહિના પહેલા સત્તા સંભાળ્યા બાદ આ તેમની પહેલી વિદેશ યાત્રા છે. તેમની આ ભારત મુલાકાતના બીજા દિવસે વડાપ્રધાન મોદી અને રાષ્ટ્રપતિ ઇબ્રાહિમ મોહમ્મદ સોહિલ વચ્ચે વાતચીત થઇ. આ વાતચીતનો લક્ષ્ય બંન્ને દેશો વચ્ચે સંબંધોનો નવો અધ્યાય શરૂ કરવાનો છે.

આ મુલાકાત દરમિયાન વડાપ્રધાન મોદીએ જાહેરાત કરી કે, માલદિવના આર્થિક વિકાસ માટે 1.4 બિલિયન ડોલરની ભારત મદદ કરશે. આ સિવાય બંન્ને દેશો વચ્ચે 4 વિષયો પર સમજુતી થઇ જેમાં વિઝાને લઇને સરળતા આપવાનો મુદ્દો સામેલ છે. તેમજ બંન્ને દેશો વચ્ચો કનેક્ટિવિટી બનાવવા ભારતે સહયોગ આપશે.

આ મુલાકાત દરમિયાન ઇબ્રાહિમ મોહમ્મદ સોહિલે કહ્યું કે, ભારત અમારો નજીકનો દેશ છે અને બંન્ને દેશોના લોકો મિત્રતા અને સાંસ્કૃતિક સમાનતાના સંબંધે જોડાયેલા છે.