મંગળવાર, 1 જાન્યુઆરી, 2019


પ્રવાસીઓ માટે અંજાર હેરીટેજ અને ટુરીઝમ સર્કીટ બનાવાઈ


- શહેર અને તાલુકાના પ્રવાસન સ્થળોને આવરી લેવાયા

- સ્થાનિક ધંધા રોજગારને પણ પ્રોત્સાહન મળશે

 
જેસલ તોરલ સમાધિના દર્શને આવતા ગુજરાત અને રાજય બહારના યાત્રાળુઓને અંજારની અન્ય વિરાસતોનો પણ પરિચય થાય તે માટે અંજાર હેરીટેજ રૂટ તથા તાલુકાના દર્શનીય ધામક સ્થળોની મુલાકાત લઇ શકે તે માટે ટુરીઝમ સર્કીટ એમ બે પ્રકારે શહેર અને તાલુકાના હેરીટેજ સ્થળો અને તાલુકાના ધામક પ્રવાસન સ્થળોની લોકોને જાણકારી મળે તેની માટે વિડીયો લન્ચ કરાયો હતો.
પ્રવાસનને વેગ આપવા કોમર્સ એન્ડ ડેવલપમેન્ટ કાઉન્સીલ દ્વારા અંજારના ૧૪૭૪માં સ્થાપના દિને ગુજરાતના રાજયમંત્રી અને અંજારના ધારાસભ્યે વિડીઓને લોકાપત કર્યો હતો. કાર્યક્રમની શરૂઆતમાં સંસ્થાના સહમંત્રીએે વિડિયોનો હેતુ સમજાવ્યો હતો,મંત્રીએ વીડિયોમાં સમાવિષ્ટ રૂટ અંગે માહિતી આપી હતી, જેમાં અંજાર હેરીટેજ રૂટમાં જેસલતોરલ સમાધીથી લઇ મુંડિયા સ્વામીની જગ્યા,બગથડા યાત્રાધામ ખત્રીબઝાર,ભરેશ્વર,મેકમર્ડો બંગલો, ટીંબીકોઠો,માધવરાયજી મંદિર, સ્વામિનારાયણ મંદિર,સચ્ચિદાનંદ મંદિર અંબાજી મંદિર સાથે સાગરગીરીજી ની જગ્યા અને અંજારના ધણી અજયપાળ મંદિર વગેરેનો સમાવેશ કરાયો છે, ટુરીઝમ સકટમાં અંજારની ભાગોળે આવેલા મકલેશ્વર મંદિર,માલારા મહાદેવ,લીલાશા કુટિયા,શનિ મંદિર,જોગણીનારધામ,સનસેટ પોઈન્ટ પંજોપીર, પક્ષી વસાહતવાળા  નિંગાળ અને રતનાલના તળાવો, સતાપર ખાતે નવવિકસિત ગોવર્ર્ધન પર્વત, ટપ્પર ડેમ અને હોથલ પદમણીથી પ્રખ્યાત ભીમાસરનું ઐતિહાસીક ચકાસર તળાવ વગેરેનો સમાવેશ કરાયો છે. આ વિડીયો દ્વારા પ્રવાસીઓને માર્ગદર્શન મળશે અને સાથોસાથ અંજારના ધંધા રોજગારને સારો લાભ થશે. કાઉન્સિલ આ દરેક સ્થળે તે સ્થળનું મહત્વ દર્શાવતું બોર્ડ મુકવાની નેમ વ્યક્ત કરાઈ છે.
 

સોમનાથ મંદિરે શીશ ઝુકાવ્યા બાદ રાજકોટથી વિદાય લેતા રાષ્ટ્રપતિ



- ગુજરાતની ત્રણ દિવસની મુલાકાત દરમિયાન કચ્છની સંસ્કૃતિ, સાસણમાં સિંહદર્શન, સોમનાથ મહાદેવ મંદિરની પુજા કર્યા બાદ રાષ્ટ્રપતિ કોવિંદ દિલ્હી જવા રવાના થયા





દેશના રાષ્ટ્રપતિ મહામહિમ શ્રી રામનાથ કોવિંદ ગઈકાલે સાસણ ખાતે ગીર અભ્યારણ્યની વનસૃષ્ટિ અને સિંહદર્શન કરવા આવી પહોંચ્યા બાદ આજે સપરિવાર સાસણથી સ્પેશ્યલ હેલીકોપ્ટરમાં સોમનાથ મહાદેવના મંદિરે દર્શનાર્થે આવી પહોંચ્યા હતા. અહીં શાસ્ત્રોક્ત વિધિવિધાન સાથે મંદિરમાં પુજાવિધિ કર્યા બાદ તેઓ રાજકોટ એરપોર્ટ ઉપર આવી પહોંચ્યા હતા. અહીં ગાર્ડ ઓફ ઓનર આપવામાં આવ્યા પછી તેઓ હવાઈ માર્ગે દિલ્હી જવા રવાના થયા હતા.

ગુજરાતના ત્રણ દિવસના પ્રવાસે આવેલા રાષ્ટ્રપતિ શ્રી રામનાથ કોવિંદ આજે સવારે સાસણમાં દેવળિયા ખાતે સફારી પાર્કમાં સિંહદર્શન કર્યા બાદ તેમના પત્ની સવિતાબેન અને પુત્રી સ્વાતિબેન સહિતનો કાફલો આજે સોમનાથ મહાદેવના મંદિર ખાતે આવી પહોંચ્યો હતો. અહીં સોમનાથ મંદિરના પરિસર ખાતે રાષ્ટ્રપતિએ સૌપ્રથમ સરદાર વલ્લભભાઈ પટેલની પ્રતિમાની મુલાકાત લઈ પુષ્પાંજલી અર્પણ કરી હતી.

અહીંથી સપરિવાર તેઓ મંદિરે પહોંચ્યા હતા જ્યાં સોમનાથ તિર્થક્ષેત્રના વિદ્વાન બ્રાહ્મણોએ વેદમંત્રોનું ગાન કરીને તેઓને આવકાર્યા હતા. મંત્ર ગાનથી વાતાવરણ પવિત્ર બની ગયું હતું. ત્યારબાદ પુજારીએ સ્તુતિ મંત્રોના મંગલમય ગાન સાથે પુજા અર્ચના કરાવી હતી. તેમણે શિવલીંગ ઉપર ગંગાજળનો અભિષેક કરી વિશ્વના કલ્યાણ માટેની કામના કરી હતી.

સોમનાથ મહાદેવના મંદિરે તેઓએ મધ્યાહન આરતીનો લ્હાવો લીધો હતો. ત્યારબાદ સોમનાથ મહાદેવની તત્કાલ મહાપુજા કરાવી તેઓ ભાવવિભોર બની ગયા હતા. મંદિર ખાતે તેઓને સ્મૃતિચિહન અર્પણ કરવામાં આવ્યા બાદ તેઓએ સાગરદર્શન ખાતે ભોજન લીધા પછી રાજકોટ જવા રવાના થયા હતા.

બપોરે ૨-૩૦ વાગ્યાની આસપાસ રાજકોટ આવી પહોંચ્યા બાદ તેઓને એરપોર્ટ ખાતે સ્થાનિક વહીવટી તંત્ર દ્વારા પુષ્પગુચ્છ અર્પણ કરી આવકારવામાં આવ્યા હતા. અહીં ગાર્ડ ઓફ ઓનર અપાયું હતું. ત્યારબાદ સ્પેશ્યલ વિમાનમાં તેઓ દિલ્હી જવા રવાના થયા હતા.

 

Happy New Year 2019

Image result for welcome 2019 best quotes
આજથી દેશમાં શરૂ થશે આ નવી સ્ક્રીમ, નોકરી માટે મોદી સરકાર આપશે 120 કલાકની ફ્રી ટ્રેનિંગ


મોદી સરકાર બેરોજગારો માટે નવા વર્ષે ભેંટ આપવા જઇ રહી છે. વર્ષ 2019નો પહેલો દિવસ એટલે કે 1 જાન્યુઆરીથી મોદી સરકાર બેરોજગારો માટે વરૂણ મિત્ર યોજના’ ની શરૂઆત કરી રહી છે. આ યોજના હેઠળ તમને ત્રણ અઠવાડિયાની મફતમાં ટ્રેનિંગ મળશે. આ કાર્યક્રમ મિનિસ્ટ્રી ઓફ MNRE અને NISE તરફથી સંચાલિત છે. તેને સોલર વોટર પમ્પિંગ વરૂણ મિત્રકાર્યક્રમ કહેવામાં આવે છે.

આ ટ્રેનિંગ બાદ તમને સારી નોકરી મળશે. જ્યારે, ઓછી સેલરી મેળવનાર લોકો વધારે કમાઇ શકે છે. આ ટ્રેનિંગને તમે કેવી રીતે લઇ શકો છો અને તેનાથી તમને શું શું ફાયદો મળી શકે છે, જે નીચે મુજબ છે.
આ કાર્યક્રમનો હેતુ રિન્યૂએબલ એનર્જી, સોલર રિસોર્સ અસેસમેન્ટ અને સોલર ફોટોવોલ્ટિક, સાઇટ ફિજિબ્લિટી, વોટર ટેબલ, સોલર વોટર પમ્પિંગ કંપોનેંટ સાથે ડીટી કંવર્ટર, ઇન્વર્ટર, બેટરી, મોટર્સ, પમ્પ મોટર, ઇન્સ્ટોલેશન ઓફ ગ્રિડ એન્ડ સ્ટેંડ અલોન સોલર પીવી વોટર પમ્પિંગ સિસ્ટમ વિશે લોકોને ટ્રેન્ડ કરવાનો છે. તેના સિવાય સોલર પીવી વોટર પમ્પિંગ સિસ્ટમ માટે સેફ્ટી પ્રેક્ટિસ, ઓપરેશન એન્ડ મેન્ટનેંસ, ટેસ્ટિંગ અને કમીશનિંગની પણ જાણકારી આપવામાં આવશે.

120 કલાકની હશે કલાસ- તમને જણાવી દઇએ કે, ટ્રેનિંગ 1 જાન્યુઆરીથી 19 જાન્યુઆરી 2019ની વચ્ચે થશે. જેમાં કુલ 120 કલાકના ક્લાસ આપવામાં આવશે. કાર્યક્રમ સાથે જોડાવવાની છેલ્લી તારીખ 28 ડિસેમ્બર હતી. આ કાર્યક્રમ હેઠળ ક્લાસ રૂમ લેક્સર સિવાય પેક્ટિકલ, ફીલ્ડ વિઝિટ અને ઇન્ડરસ્ટ્રિયલ વિઝિટ પણ કરાવવામાં આવશે. ટ્રેનિંગ ફ્રીમાં મળશે, પરંતુ જો તમે હોસ્ટલમાં રહેવા માંગો છો તો 600 રૂપિયા પ્રતિ દિવસના આપવા પડશે.

આ ટ્રેનિંગ લેક્ટ્રિકલ, ઇલેક્ટ્રોનિક, મેકેનિકલ, આઈએન્ડસીમાં ડિપ્લોમાં હોલ્ડર્સ, ગ્રેજ્યુએટ એજન્યિર, સોલર એન્ટરપ્રેન્યોર્સ, પીએસસૂ અધિકારી માટે ફાયદાકારણ સાબિત થઇ શકે છે.