સિક્કિમના પ્રથમ એરપોર્ટ પાક્યોંગની ખાસિયતો

વડાપ્રધાન નરેન્દ્ર મોદીએ સોમવારે પાક્યોંગમાં બનેલા સિક્કિમના પ્રથમ એરપોર્ટનું ઉદ્ધાટન કર્યુ. વર્ષ 2009માં આ ગ્રીનફીલ્ડ એરપોર્ટનો પાયો નાંખવામાં આવ્યો હતો. જેના લગભગ 9 વર્ષ બાદ સિક્કિમનું આ સપનુ પૂરુ થયુ. આ એરપોર્ટ ગંગટોકથી લગભગ 33 કિલોમીટરના અંતરે છે. 

વડાપ્રધાન નરેન્દ્ર મોદીના સિક્કિમ પ્રવાસ દરમિયાન અધિકારીઓએ જણાવ્યુ કે વડાપ્રધાન એરપોર્ટનું ઉદ્ધાટન કર્યા બાદ પાક્યોંગમાં સેન્ટ જેવિયર્સ સ્કુલમાં બાળકોને સંબોધિત પણ કરશે.

 

આ છે એરપોર્ટની ખાસ વાતો

- આ સિક્કિમનું પહેલુ અને ભારતનું 100મું એરપોર્ટ છે.

- પાક્યોંગ એરપોર્ટ સમુદ્ર તળથી 4,500 ફૂટની ઉંચાઈ પર બનેલુ છે

- આ એરપોર્ટને વર્ષ 2008માં મંજૂરી મળી હતી

- આ એરપોર્ટ 206 એકરમાં ફેલાયેલુ છે. જેમાં જિયોટેક્નિકલ એન્જિનિયરિંગનો ઉપયોગ કરવામાં આવ્યો છે.

- અહીંની માટીમાં એરપોર્ટની જરૂરિયાતોના હિસાબમાં પરિવર્તન કરવામાં આવ્યુ છે

- Airports Authority Of Indiaના અધિકારીના જણાવ્યા અનુસાર પાકયોંગ એરપોર્ટનું નિર્માણ લગભગ 600 કરોડ રૂપિયામાં થયુ છે.

- આ એરપોર્ટ ભારત-ચીન સરહદથી લગભગ 60 કિલોમીટરના અંતરે આવેલુ છે.

- ગંગટોકથી આ એરપોર્ટનું અંતર 33 કિલોમીટર છે

 

પ્રધાનમંત્રી જન આરોગ્ય યોજના

- મહત્વાકાંક્ષી યોજનાને ૨૪મી સપ્ટેમ્બરે લોન્ચ કરાશે

- વિશ્વની સૌથી મોટી આ હેલ્થકેર સ્કીમમાં દેશના ૧૦.૩૪ કરોડ ગરીબ પરિવારને પાંચ લાખનો વીમો મળશે

વડાપ્રધાન મોદી ૨૩મી સપ્ટેમ્બર પ્રધાનમંત્રી જન આરોગ્ય યોજના ખૂલ્લી મૂકશે. દેશની ખાનગી તેમજ પબ્લિક ૧૫૦૦૦ હોસ્પિટલે આ યોજનામાં જોડાઇને ૧૦.૭૪ કરોડ ગરીબ પરિવારને આરોગ્ય વીમાનો લાભ આપવા પેનલમાં જોડાવા તૈયારી દર્શાવી છે.

વડાપ્રધાન ૨૩મી સપ્ટેમ્બરે યોજનાનું લોંચિંગ કરશે અને તેનો અમલ ૨૫મી સપ્ટેમ્બરથી લાગુ થશે.

દેશના ૨૭ રાજ્યે કેન્દ્ર સાથે એમઓયુ કરીને આ યોજનામાં સ્થાન મેળવ્યું છે. બાકીના છ રાજ્ય ભવિષ્યમાં જોડાશે.

આ યોજનામાં દેશના ગરીબ પરિવારને રૂપિયા પાંચ લાખના વીમાનું રક્ષણ મળશે. આ લાભ દેશની ૪૦ ટકા જનતાને મળશે. આ યોજના વિશ્વની સૌથી મોટી હેલ્થકેર યોજના બનશે.

પ્રવાસી ભારતીય દિવસ

પ્રવાસી ભારતીય દિવસ દર વર્ષે ઉજવવામાં આવે છે તેનો હેતું વિદેશી ભારતીય સમુદાયને દેશ ના વિકાસ માટે કરેલા યોગદાન ને દર્શાવે છે.

વર્તમાનમાં લગભગ 3.12 કરોડ ભારતીય લોકો સમગ્ર વિશ્વમાં વસેલા છે, ભારતના પ્રથમ ‘પ્રવાસી ભારતીય દિવસ’નું આયોજન જાન્યુઆરી 2003 માં દિલ્હી ખાતે, 'લક્ષ્મીમલ સિંઘવી' સમિતિ દ્વારા નક્કી કરવામાં આવ્યું હતું. 

13મા પ્રવાસી ભારતીય દિવસનું આયોજન મહાત્મા ગાંધી જયારે 9 જાન્યુઆરી1915 ના રોજ દક્ષિણ આફ્રિકાથી ભારત (મુંબઇ)  પરત ફર્યા હતા તે વાતને 100 વર્ષ પૂર્ણ થતાં તેની યાદગીરી સ્વરૂપે જાન્યુઆરી 2015માં ગુજરાતના પાટનગર ગાંધીનગર ખાતે યોજવામાં આવ્યો હતો.

સામાન્ય રીતે પ્રવાસી ભારતીય દિવસનું આયોજન દિલ્હીની બહાર એવા રાજ્યોની સાથે ભાગીદારી કરી  કરવામાં આવે છે જ્યાં પ્રવાસી ભારતીઓની સંખ્યા વધારે હોય.

ગાયને રાષ્ટ્ર માતાનો દરજ્જો આપતો પ્રસ્તાવ ઉત્તરાખંડમાં પાસ

- ઉત્તરાખંડ ગાયને ‘રાષ્ટ્રમાતા’નો દરજ્જો આપનાર સૌપ્રથમ રાજ્ય

ઉત્તરાખંડની વિધાનસભામાં ગાયને રાષ્ટ્ર માતાનો દરજ્જો આપતા પ્રસ્તાવને પાસ કરવામાં આવ્યો છે. આ સાથે ઉત્તરાખંડ દેશમાં ગાયને રાષ્ટ્રમાતાનો દરજ્જો આપતુ પહેલુ રાજ્ય બની જશે. ઉત્તરાખંડના પશુપાલન મંત્રી રેખા આર્યાએ વિધાનસભામાં ગાયને રાષ્ટ્રમાતાનો દરજ્જો આપવાનો પ્રસ્તાવ રજૂ કર્યો હતો.જેને સર્વ સમ્મતિથી પાસ કરવામાં આવ્યો હતો. જે બાદ પ્રસ્તાવને કેન્દ્ર સરકારને મોકલી આપવામાં આવ્યો છે. આ મામલે રેખા આર્યાએ જણાવ્યુ હતુ કે, 

આ મામલે રેખા આર્યાએ જણાવ્યુ હતુ કે,

- ગાયને મા તરીકે પુજવામાં આવે છે.

- ગાયના દુધને વૈજ્ઞાનિક દ્રષ્ટિએ સર્વશ્રેષ્ઠ માનવામાં આવે છે.

- ગાય દેશના કરોડો હિંદુઆની ભાવના અને આસ્થા સાથે જોડાયેલો મુદો છે.

- ગાયમાં 33 કરોડ દેવી-દેવતાઓનો વાસ માનવામાં આવે છે, દર્શન માત્રથી તમામ પાપ દુર થાય છે.

- ગાયનું છાણ અને ગૌમુત્રમાં ઔષધીય ગુણ પણ

- ગાય એકમાત્ર એવું પ્રાણી છે જે ફક્ત ઓક્સિજનનું ઉત્સર્જન કરે છે.

ત્રણ બેન્કોનું મર્જર

કેન્દ્ર સરકારે બેંક ઓફ બરોડા, દેના બેન્ક અને વિજયા બેન્કના મર્જરની જાહેરાત કરી દીધી છે. જેના કારણે હવે બેન્કના માળખામાં થનારા ફેરફારને લઈને ત્રણે બેન્કના લાખો એકાઉન્ટ ધારકો મૂંઝવણમાં છે.

જોકે હજી સુધી મર્જર બાદ બેન્કનુ નવુ નામ જાહેર કરાયુ નથી.પણ ગ્રાહકો માટે કઈ ચીજો બદલાશે તે આ પ્રમાણે છે.

• ગ્રાહકોની ડિપોઝીટ જે પણ બેન્કમાં હશે તે નવી બેન્કમાં ટ્રાન્સફર થઈ જશે.આ માટે કદાચ ગ્રાહકોએ પેપર વર્ક કરવુ પડશે.
• મર્જર બાદ નવી બેન્કના નામની ચેકબૂક ગ્રાહકે લેવી પડશે.
• એટીએમ કાર્ડ પણ ગ્રાહકને નવુ અપાશે.જોકે તેના માટે ગ્રાહકોને પુરતો સમય મળશે.
• નવી બેન્કનુ ઈન્ટરનેટ બેન્કિંગ પોર્ટલ પણ બદલાઈ શકે છે.આવા સંજોગોમાં  ઈન્ટરનેટ બેન્કિંગ કરતા ગ્રાહકોને નવેસરથી લોગ ઈન આઈડી અને પાસવર્ડ અપાઈ શકે છે.
• આઈએફએસસી કોડ બદલાશે.જોકે તેમાં હજી સમય લાગશે.આ માટે ગ્રાહકોને જાણકારી અપાશે.
• કોડ બદલવાની સાથે બેંકની બ્રાન્ચ પણ બદલાઈ શકે છે.કોઈ એક વિસ્તારમાં જો મર્જરમાં સામેલ બેન્કોની બે બ્રાન્ચ છે તો એક બ્રાન્ચ બંધ કરી શકાય છે.
• નવી એપ બનાવવામાં આવે તેવી શક્યતા છે.ગ્રાહકોએ સત્તાવાર એપનો ઉપયોગ કરવા માટે ધ્યાન રાખવુ પડશે.

ભારત અને ફ્રાન્સ વચ્ચે દરિયાઇ સુરક્ષા બાબતે કરાર

- અવકાશ ક્ષેત્રે ભારતના પ્રથમ વાર વિદેશ સાથે કરાર

- ઈસરો સાથે સમાનવ અવકાશયાત્રા 'ગગનયાન'માં ટેકનિકલ સહકાર માટે ફ્રાન્સ સાથે કરાર થયા

- હિન્દુ મહાસાગરમાં ચીનના વધતા જતા પગપેસારાને ધ્યાનમાં રાખી દરિયાઇ સીમા પર નજર રાખવાનું નક્કી કર્યું

ભારત અને ફ્રાન્સ સાથે મળીને દરિયાકાંઠાના સર્વેલન્સ માટે આઠથી દસ સેટેલાઇટ લોંચ કરવાની તૈયારી કરી રહ્યા છે. આ સેટેલાઇટ અવકાશમાં એક 'નક્ષત્ર'  સ્વરૂપે  પ્રદક્ષિણા કરશે.

વિશ્વની અન્ય દેશ સાથે અવકાશ સહકાર ક્ષેત્રે ભારતનું આ પ્રથમ મિશન હશે. 

વડાપ્રધાન મોદીએ અભિયાન શરૂ કર્યું

 

- દેશભરમાં ગાંધી જયંતિ સુધી 15 દિવસ સ્વચ્છતા અભિયાન ચલાવાશે

- મોદીએ વીડિયો કોન્ફરન્સિંગ થકી જગ્ગી વાસુદેવ, શ્રી શ્રી રવિશંકર, અમિતાભ બચ્ચન અને રતન તાતા સહિતના અગ્રણીઓ સાથે પણ સંવાદ કર્યો
- દેશભરના અગ્રણીઓ લોકોને સ્વચ્છ ભારતમાં જોડાવવા અપીલ કરે એવું પણ વડાપ્રધાનનું સૂચન, દેશમાં અનેક સ્થળોએ મંત્રીઓએ ઝાડુ લગાવ્યું

- ગંગાની સફાઈના પ્રયાસ માટે યોગી આદિત્યનાથના વખાણ કર્યા, દેશના ૧૯ રાજ્યે ખુલ્લામાં હાજતમાંથી મુક્તિ મેળવ્યાનો દાવો

વડાપ્રધાન નરેન્દ્ર મોદીએ શનિવારે પહાડગંજની બાબાસાહેબ આંબેડકર સ્કૂલમાંથી 'સ્વચ્છતા હી સેવા' અભિયાનની શરુઆત કરી હતી. આ અભિયાન ગાંધી જયંતિ સુધી ચલાવવામાં આવશે. આ દરમિયાન વડાપ્રધાન મોદીએ સ્કૂલના વિદ્યાર્થીઓ સાથે સંવાદ કર્યો હતો. એટલું જ નહીં, તેમણે વીડિયો કોન્ફરન્સિંગ થકી આધ્યાત્મિક ગુરુ જગ્ગી વાસુદેવ, શ્રી શ્રી રવિશંકર, મા અમૃતાનંદમયી, અમિતાભ બચ્ચન, રતન તાતા સહિત અને અગ્રણીઓ અને મંત્રીઓ સાથે વાત કરીને સ્વચ્છ ભારતનું સ્વપ્ન પૂરું કરવા લોકોને અપીલ કરવાનું સૂચન કર્યું હતું.