ચંદ્રયાન-2 ને અંતરીક્ષમાં મોકલવા ઇસરો તૈયાર

- ઇસરોના સાતમા કોન્વોકેશનમાં ડૉક્ટર કે સિવને જાહેર કર્યું

- રવિવારે લોંચિંગ પેડ પર લઇ ગયા

ચંદ્રયાન ટુને અંતરીક્ષમાં મોકલવા ઇસરો તૈયાર હોવાની ઔપચારિક જાહેરાત ડૉક્ટર કે સિવને કરી હતી. ઇસરોના સાતમા પદવીદાન સમારોહમાં ડૉક્ટર સિવન બોલી રહ્યા હતા.

તેમણે શનિવારે કરેલી જાહેરાત મુજબ આ ચંદ્રયાન ટુને રવિવારે લોંચિંગ પેડમાં લઇ જવાયું હતું. જિયો-સિંક્રોનસ લોંચ વેહિકલ (જીએસએલવી) દ્વારા એેને અંતરીક્ષમાં મોકલવાની તૈયારી થઇ ચૂકી છે એમ ડૉક્ટર સિવને કહ્યું હતું. તેમણે કહ્યું કે 15મી જુલાઇએ લોંચ કરાશે. એની સફળતાની અપેક્ષા ઉપરાંત કદાચ જરૂર પડે તો વૈકલ્પિકવ્યવસ્થા પણ કરી લેવામાં આવી છે. આ ઓપ્શનલ તૈયારીનું પરીક્ષણ 13મી જુલાઇએ કરવાની અમારી યોજના છે. આ ચંદ્રયાન ટુ દ્વારા આપણે ચંદ્ર પરના દક્ષિણ ધ્રુવ પર જવાની યોજના બનાવી છે. અત્યાર અગાઉ ચંદ્ર પરના દક્ષિણ ધ્રુવ પર દુનિયાનો કોઇ દેશ પહોંચ્યો નથી.

ડૉક્ટર સિવને કહ્યું કે ચંદ્રયાન ટુનું રોવર ચંદ્ર પર ક્યારે ક્યાં જશે એની તમામ ટેક્નિક કાનપુરના આઇઆઇટી વિભાગે તૈયાર કરી હતી. તદનુસાર એનો પ્રોગ્રામ તૈયાર કરવામાં આવ્યો હતો. કાનપુરના ઇલેક્ટ્રીક એંજિનિયરીંગ વિભાગના સિનિયર પ્રોફેસર કે એ વેંક્ટેશ અને મિકેનિકલ એંજિનિયરીંગ વિભાગના સિનિયર પ્રોફેસર આશિષ દત્તાએ આખી ય વિગતો તૈયાર કરી છે અને એની પૂરેપૂરી ચકાસણી પર કરવામાં આવી હતી.

પિંક સિટી જયપુરને યુનેસ્કોએ વૈશ્વિક ધરોહરનો દરજ્જો આપ્યો

- રાજસ્થાનમાં કુલ 37 વૈશ્વિક ધરોહર તરીકે સ્થાન પામેલા સ્થળો

- વૈશ્વિક ધરોહરનો દરજ્જો મળવાને કારણે પ્રવાસન વધશે

 

અનેક લોકોને રોજગારી મળશે, સ્થાનિક અર્થવ્યવસ્થા મજબૂત બનશે

વાસ્તુ કળાનો શાનદાર વારસો અને પોતાની જીવંત સંસ્કૃતિ માટે પ્રખ્યાત પ્રાચીન શહેર જયપુરને યુનેસ્કોની વૈશ્વિક ધરોહરની યાદીમાં સ્થાન મળ્યું છે. ૩૦ જૂનથી ૧૦મી જુલાઈ દરમિયાન બાકૂ(અજરબૈજાન) ખાતે મળેલી યુનેસ્કોની બેઠકમાં આ નિર્ણય લેવામાં આવ્યો હતો અને શનિવારે રાજસ્થાનની રાજધાની જયપુરને આ દરજ્જો સોંપવામાં આવ્યો હતો.

વડાપ્રધાન નરેન્દ્ર મોદીએ જયપુરને વૈશ્વિક વારસાની યાદીમાં સ્થાન મળ્યું તે અંગે ટ્વિટરના માધ્યમથી આનંદ વ્યક્ત કર્યો હતો. તેમણે ટ્વિટમાં લખ્યું હતું કે, 'મનોહર અને ઉર્જાવાન જયપુરનું આતિથ્ય સમગ્ર વિશ્વના લોકોને આકર્ષિત કરે છે. યુનેસ્કોએ આ શહેરને વૈશ્વિક ધરોહરના સ્થળ તરીકે ચિહ્નિત કર્યું તેનો આનંદ છે.'

રાજસ્થાનના ઐતિહાસિક સ્થળ જયપુરની સ્થાપના સવાઈ જય સિંહ દ્વિતીયના સંરક્ષણમાં થઈ હતી અને સાંસ્કૃતિકરુપે સંપન્ન એવું આ શહેર રાજસ્થાન રાજ્યની રાજધાની છે. રાજસ્થાનમાં કુલ ૩૭ વૈશ્વિક વારસા તરીકે સ્થાન પામેલા સ્થળો આવેલા છે જેમાં ચિત્તોડગઢનો કિલ્લો, કુંભલગઢ, જેસલમેર, રણથંભોર અને ગાગરોનના કિલ્લાનો સમાવેશ થાય છે. 

૨૦૧૭ના ઓપરેશન ગાઈડલાઈન અંતર્ગત દર વર્ષે એક રાજ્યમાંથી માત્ર એક સ્થળને જ વૈશ્વિક ધરોહર જાહેર કરવા પ્રસ્તાવિત કરી શકાય છે. જયપુરને આ દરજ્જો મળવાને કારણે ઘરેલુ અને આંતરરાષ્ટ્રીય પર્યટનને પ્રોત્સાહન મળશે, સ્થાનિક અર્થવ્યવસ્થા મજબૂત થશે અને અનેક લોકોને રોજગારી મળશે. આ ઉપરાંત હસ્તશિલ્પ અને વણાટકામ ઉદ્યોગને પણ ફાયદો થશે. 

યુનેસ્કોની વૈશ્વિક વારસા કમિટીની ૪૩મા સત્રની બેઠકમાં જયપુરને આ સન્માન આપવામાં આવ્યું હતું. બેઠક બાદ યુનેસ્કો દ્વારા ટ્વિટરના માધ્યમથી આ અંગે જાણ કરવામાં આવી હતી અને ટ્વિટમાં લખ્યું હતું કે, 'ભારતના રાજસ્થાનમાં આવેલા જયપુર શહેરને યુનેસ્કોના વૈશ્વિક ધરોહર સ્થળ તરીકે ચિહ્નિત કરવામાં આવ્યું છે.'

જાણવા મળ્યા મુજબ સ્મારક અને સ્થળ અંગેની આંતરરાષ્ટ્રીય પરિષદે ૨૦૧૮ની સાલમાં આ માટે શહેરનું નિરીક્ષણ કર્યું હતું. નામાંકન બાદ બાકૂમાં ડબલ્યુએચસીએ આ મુદ્દે ધ્યાન આપ્યું હતું યુનેસ્કો દ્વારા તેને વૈશ્વિક વારસાના સ્થળોની યાદીમાં સામેલ કરવામાં આવ્યું હતું.

ડૉ. શ્યામાપ્રસાદ મુખર્જીની 118મી જન્મજયંતિ નિમિત્તે ભાજપાના સદસ્યતા અભિયાનનો શુભારંભ કરાવતાં મુખ્યમંત્રી

- પાંચ વર્ષથી દેશમાં પ્રધાનમંત્રીના નેતૃત્વ અને દિર્ધદ્રષ્ટીને કારણે આજે સમગ્ર વિશ્વમાં દેશનું ગૌરવ વધ્યું છે : એસ.જયશંકર

મુખ્યમંત્રી વિજય રૂપાણીએ આજરોજ અમદાવાદ ખાતે ઉપસ્થિત રહી સદસ્યતા વૃધ્ધિ અભિયાન તેમજ સદસ્યતા વૃધ્ધિ અભિયાનના ગુજરાતી થીમ સોંગનું લોન્ચીંગ કર્યુ હતુ. ભાજપાના સદસ્યતા અભિયાનનો શુભારંભ કરાવતાં રૂપાણીએ જણાવ્યુ કે, કાશ્મીરમાં ‘‘દો વિધાન, દો પ્રધાન અને દો નિશાન’’ની વિરૂધ્ધમાં આંદોલન કરતાં પોતાના પ્રાણની આહુતિ આપનાર ડૉ. શ્યામાપ્રસાદ મુખર્જીની આજે 118મી જન્મજયંતિ નિમિત્તે આજરોજ ભાજપાના સંગઠન પર્વનો શુભારંભ થઇ રહ્યો છે, ત્યારે આપણા માટે એક ગૌરવપૂર્ણ વાત છે. 

પાંચમો આંતરરાષ્ટ્રીય યોગ દિવસ / 190 દેશોમાં 30 હજાર સ્થળે 20 કરોડ લોકો યોગ કરશે, ‘યોગ ફોર હાર્ટ’ થીમ રખાઈ

ભારત સરકારે આ વખતે યોગ દિવસની થીમ “દિલ માટે યોગ’ અને 

યુએનએ “જળવાયુ પરિવર્તન માટે યોગ’ રાખી છે. 

આ વખતે ભારત સહિત દુનિયાભરના 190 દેશોમાં 30 હજારથી વધુ સ્થળોએ યોગ કાર્યક્રમ યોજાશે. લગભગ 30 કરોડ લોકો યોગ કરશે, તેમાં 50 ટકા ભારતીય હશે. ભારત પછી સૌથી વધુ લગભગ 3 કરોડ લોકો અમેરિકામાં યોગ કરશે. ઉપરાંત દુનિયાના 47 મુસ્લિમ દેશોએ પણ યોગને માન્યતા આપી છે. આયુષ મંત્રાલય અનુસાર દિલ્હીમાં લગભગ 300 સ્થળોએ યોગ કાર્યક્રમ યોજાશે. જેમાંથી 40 સ્થળોએ સાંસદ અને મંત્રીઓ હાજર રહેશે. દિલ્હીમાં 10 લાખ લોકો યોગ કરશે. યોગ ઇન્ડસ્ટ્રી : સ્ટેટિસ્ટા મુજબ અમેરિકામાં યોગ વેલનેસ ઈન્ડસ્ટ્રી લગભગ 1.12 લાખ કરોડ રૂપિયાની છે. 2018ના અંત સુધી અમેરિકામાં 3.7 કરોડ લોકો યોગ કરતા હતા. 2020 સુધી તેમની સંખ્યા વધીને 5.5 કરોડ થવાનો અંદાજ છે. ભારતમાં યોગનો બિઝનેસ 50 હજાર કરોડ રૂપિયાનો છે. યોગ એલાયન્સે 130 દેશોના 76,000 લોકોને યોગ શિક્ષક રજિસ્ટર્ડ કર્યા છે. 2 વર્ષમાં 14,000 શિક્ષક જોડાયા. એસોચેમ અનુસાર દુનિયામાં યોગ ટ્રેનર્સની માગ વાર્ષિક 35% ટકાના દરે વધી રહી છે. દેશમાં આ ઈન્ડસ્ટ્રી 2.8 હજાર કરોડ રૂપિયાની છે. દેશોમાં યોગની માગ 40%ના દરે વધી રહી છે.

આ વખતની થીમ ‘હૃદય માટે યોગ’
આ વખતે દેશમાં યોગ દિવસની થીમ ‘યોગ ફોર હાર્ટ’ રાખવામાં આવી છે. યોગ નિષ્ણાતોના જણાવ્યા અનુસાર આ ચાર યોગાસન દ્વારા હૃદયને વધુ સારી રીતે સ્વસ્થ રાખી શકાય છે.

સુપ્તવજ્રાસન : હૃદયમાં લોહીનો પ્રવાહ બરાબર રહે છે, અડચણ દૂર થશે
વજ્રાસનમાં બેસીને કોણીનો ઉપયોગ કરી માથાનો પાછલો ભાગ જમીનને અડાડો. શ્વાસ રોકી હથેળી જાંઘ પર રાખો. જાંઘ-છાતીમાં દબાણ લાગશે. ડાબી બાજુ વળીને ઊભા થાવ.

ભુજંગાસન : ફેફસાં મજબૂત થાય છે, પગમાં લોહીનો પ્રવાહ યોગ્ય રહે છે
પેટના આધારે સૂઈ જાવ. બંને હાથ છાતીની પાસે રાખો. આ સ્થિતિમાં શરીરને ઉપરની તરફ ખેંચો અને ઊંડો શ્વાસ લો. શ્વાસ પર ધ્યાન કેન્દ્રિત કરતા-કરતા જેટલા ઉપર જવાય તેવું કરો. પછી ધીમે-ધીમે શ્વાસ છોડતા-છોડતા પહેલાંની સ્થિતિમાં આવી જાવ.

પશ્ચિમોત્તાસન : હૃદય પરનું દબાણ ઘટશે અને સ્નાયુ પણ મજબૂત થશે
બંને પગને સામે રાખી તેને ખેંચતાં એકબીજા સાથે જોડો. ધીરે-ધીરે આગળ નમો. ઘૂંટણ વાળ્યા વિના પોતાનું નાક ઘૂંટણને અડાડો. શક્ય હોય તો માથુ પણ ઘૂંટણને અડાડવાનો પ્રયાસ કરો.

હૃદય મુદ્રા : છાતીનો દુ:ખાવો ઓછો થાય છે, ઓક્સિજન સામાન્ય થાય છે
આને અનાહત મુદ્રા પણ કહે છે. તેમાં પ્રથમ આંગળીના ટેરવાને અંગૂઠા સાથે અડાડો. ત્યારપછી બીજી અને ત્રીજી આંગળીના ટેરવાને પણ અંગૂઠા સાથે અડાડો. નાની આંગળી બિલકુલ સીધી રાખો. હાથની આ સ્થિતિને પદ્માસનમાં બેસીને ઘૂંટણ પર રાખો.

યુએનએ 5 મુદ્દા જણાવ્યા- કેવી રીતે યોગ જળવાયુ પરિવર્તન અને જીવન માટે ફાયદાકારક છે
પ્રકૃતિ માટે સન્માન: નિયમિત યોગથી પ્રકૃતિ માટે મનમાં સન્માન પેદા થાય છે. આ ભાવના સારા ભવિષ્ય માટે પ્રેરિત કરે છે. આગળ એવા લોકો પર્યાવરણને બચાવવામાં મહત્ત્વપૂર્ણ ભૂમિકા ભજવે છે.

નૈતિકતા: યોગ સચેત થવા, વિચાર વ્યક્ત કરવા, અહિંસા, અનુશાસન અને ઈમાનદારી પર ભાર મૂકે છે. આ સામાજિક-રાજકીય વાતાવરણ સાથે ભૌતિક માહોલમાં પ્રતિબદ્ધ થવા માટે પ્રેરિત કરે છે. વ્યક્તિમાં સાદગી પેદા થાય છે.

વ્યવહારમાં સુધારો: યોગથી શરીર અને મન આતંરિક શાંતિ, વિશ્રામ, જ્ઞાનની શોધમાં એલાઈન થાય છે. વ્યવહાર બદલાય છે.

શાંતિની ભાવના: તણાવથી આઝાદી, આઘાત-ડિપ્રેશનથી બહાર આવવા અને શાંતિ અપાવવાનું યોગનું મુખ્ય કામ છે. તે આજુબાજુ સકારાત્મક ઊર્જા ફેલાવે છે.

ફિટ અને સક્ષમ શરીર: યોગથી ખુદને ફિટ અને ફ્લેક્સિબલ બનાવી શકાય છે. તેનાથી શરીરની ક્ષમતાનો વધારે ઉપયોગ કરી શકાય છે.

નવું શું : 45 મિનિટનું યોગ પ્રોટોકોલ

કોમન યોગ પ્રોટોકોલ: આયુષ મંત્રાલયે આ વખતે 45 મિનિટનું કોમન યોગ પ્રોટોકોલ બનાવ્યું છે. જે હેઠળ બધા યોગાભ્યાસ કરાવાશે.

કોલેજ અને યુનિવર્સિટી: યુજીસીએ તમામ યુનિવર્સિટી અને કોલેજોમાં યોગ દિવસ પર ઈવેન્ટના નિર્દેશ આપ્યા છે. સવારના 7થી 8 વાગ્યા વચ્ચે તેમાં શિક્ષક અને 
વિદ્યાર્થીઓ જોડાશે.

મોબાઈલ એપ: આયુષ મંત્રાલયે યોગલોકેટર એપ-2019નું અપડેટેડ વર્ઝન લોન્ચ કર્યુ છે. ઈસરોની મદદથી બનેલી આ એપ લગભગ યોગ કેન્દ્રો, પ્રેક્ટિશનર અને ઈવેન્ટ્સ વિશે માહિતી આપશે.

5 વર્ષ પહેલાં વડાપ્રધાન મોદીએ યુએનમાં દુનિયાને એકસાથે યોગ કરવાની વાત કહી હતી તેને 90 દિવસમાં જ યુએનએ મંજૂરી આપી દીધી 

આજે 5મો આંતરરાષ્ટ્રીય યોગ દિવસ છે. પહેલ 5 વર્ષ પહેલાં પીએમ મોદીએ કરી હતી. તેમણે 27 સપ્ટેમ્બર 2014ના રોજ યુએનમાં એકસાથે યોગ કરવાની વાત કહી હતી. 11 ડિસેમ્બરે યુએનએ યોગ-ડેને મંજૂરી આપી દીધી.

2015 : સદભાવ અને શાંતિ માટે યોગ, પહેલીવાર 84 દેશોમાં યોગ થયા
દિલ્હીમાં મોદી સાથે રેકોર્ડ 35000એ 35 મિનિટ યોગ કર્યા હતા. થીમ-સદભાવ અને શાંતિ માટે યોગ હતી. 84 દેશોમાં કાર્યક્રમ યોજાયા.

2016 : યુવાઓને જોડવા માટે યોગ, 150 દેશોએ યોગ દિવસ ઉજવ્યો
મુખ્ય આયોજન ચંદીગઢમા. મોદી સાથે 30000 લોકોએ યોગ કર્યા. થીમ- યુવાઓને જોડવા માટે યોગ. 150 દેશોમાં યોગ થયા.

2017 : સ્વાસ્થ્ય માટે..., લખનઉમાં 55 હજાર લોકોએ યોગ કર્યા
લખનઉમાં મોદી સાથે 55 હજાર લોકોએ યોગ કર્યા. 180 દેશોમાં યોગની 5 હજાર ઈવેન્ટ. ન્યુયોર્કના સેન્ટ્રલ પાર્કમાં 10 હજારે યોગ કર્યા.

2018 : શાંતિ માટે, સાઉદી સહિત 181 દેશોમાં લોકોએ યોગ કર્યા
દહેરાદૂનમાં 50,000 લોકોએ યોગ કર્યા. મોદીએ ‘ઈલનેસથી વેલનેસ’નું સૂત્ર આપ્યું. સાઉદી સહિત 181 દેશોમાં યોગ કરાયા.

2019 : આ વખતે “દિલ માટે યોગ’, રાંચીમાં વડાપ્રધાન મોદી યોગ કરશે
આ વખતે મુખ્ય આયોજન રાંચીના પ્રભાત તારા મેદાનમાં થઈ રહ્યું છે. અહીં પીએમ મોદી સાથે 18 હજાર લોકો યોગ કરશે.

International Yoga Day 2019 

દુનિયાભરમાં આજે 5મો આંતરરાષ્ટ્રીય યોગ દિવસ મનાવવામાં આવી રહ્યો છે. 

આ વખતે આંતરરાષ્ટ્રીય યોગ દિવસ 2019 માટે થીમ ક્લાઇમેટ એક્શન છે. 

આ અવસરે વડાપ્રધાન નરેન્દ્ર મોદી ઝારખંડની રાજધાની રાંચીથી મુખ્ય કાર્યક્રમનું નેતૃત્વ કરી રહ્યા છે. પીએમ મોદી રાંચીના પ્રભાત તારા મેદાનમાં 40 હજાર લોકોની સાથે યોગ કરશે. જ્યારે આજે દેશભરમાં લગભગ 13 કરોડ લોકો અલગ અલગ સ્થાનો પર આયોજિત થનાર કાર્યક્રમોમાં સામેલ થશે.

Inernational Music Day