આંતરરાષ્ટ્રીય મહિલા દિવસની ઉજવણીનો આરંભ 8 માર્ચ, 1910ના રોજ થયો

- 1909માં અમેરિકાની મહિલા કામદારોએ મહાહડતાળ પાડી હતી

- અમેરિકામાં સ્ત્રી કામદારોનું શોષણ અને 15 કલાક કામ કરવું પડતું હતું

19મી સદીમાં રશિયા, પોલેન્ડ, ઇટાલી જેવા દેશોમાંથી હજારો નાગરિકો અમેરિકામાં સ્થળાંતર કરી ગયા હતા. આ પૈકી સ્ત્રી-કામદારો અમેરિકાના કાપડ-સુતર ઉદ્યોગમાં કામ કરતી. એમણે અત્યંત ઓછા વેતન સાથે દિવસના 15 કલાક કામ કરવું પડતું. કારખાનાના માલિકો સોય, દોરા, વીજળી-એ બધાનો ખર્ચ પણ સ્ત્રી-કામદારોના વેતનમાંથી કાપી લેતા...!

કાપડ ઉદ્યોગની આ કામદાર મહિલાઓએ એમના કામની પાળી 10 કલાકની થાય એ હેતુસહ તા.8 માર્ચ, 1857ના દિવસે મોરચો કાઢ્યો અને ફેકટરીના દરવાજે પિકેટિંગ કર્યુ. પોલીસે લાઠી-ગોળીના દમનથી આ વિરોધને દબાવી દીધો.

આ લડતની 51મી વર્ષગાંઠે તા.8 માર્ચ, 1908ના રોજ ફરી એકવાર, 15,000 કામદારોએ કામના કલાકો 10 કલાક પૂરતા મર્યાદિત કરવા ઉપરાંત બાળમજૂરી નાબૂદ કરવા, વેતનદર વધારવા અને મતાધિકારની માગણી સાથે ન્યુયોર્કના રસ્તાઓ ગજવ્યા. પોલીસે આ  વખતે પણ દમનનો દોર છુટો મૂકી દીધો.

બીજા જ વર્ષે, ઇ.સ.1909માં કાપડ-સુતરના ઉદ્યોગોની તમામ ફેકટરીઓમાં મહાહડતાળ પાડવામાં આવી. 20 થી 30 હજાર સ્ત્રી-કામદારોએ બરફ વરસાવતા શિયાળાની ઠંડીમાં 13-13 સપ્તાહો સુધી હડતાળ ચલાવી. મહિલા કામદારોએ આ તમામ સમયગાળા દરમિયાન ફેકટરીઓ ખાતે પિકેટિંગ કર્યુ.

એના બીજા વર્ષે એટલે કે ઇ.સ.1910માં સમાજવાદી મહિલાઓની આંતરરાષ્ટ્રીય પરિષદમાં વિશ્વના 17 દેશોના 100 સ્ત્રી-કામદારોના પ્રતિનિધિઓ એકઠા મળ્યા હતા. જર્મન મહિલા આગેવાન કલેરા ઝેટકિને અમેરિકી ઔદ્યોગિક મહિલા - કામદારોની ઉપરોક્ત અડગ લડતથી પ્રભાવિત થઇને આ લડતની યાદમાં વિશ્વભરમાં તા.૮ માર્ચે આંતરરાષ્ટ્રીય મહિલા દિવસની ઉજવણી કરવાનો પ્રસ્તાવ મૂક્યો, જેને સર્વાનુમતે વધાવી લેવાયો. આમ, તા.8 માર્ચનો દિવસ જગતના નારી આંદોલનના ઇતિહાસમાં આગવો બની રહ્યો છે.

નેફિયો રિયોએ નાગાલેન્ડના મુખ્યમંત્રી પદના શપથ લીધા

- શપથ સમારોહમાં અમિત શાહ, રક્ષા મંત્રી નિર્મળા સીતારમણ, કેન્દ્રીય મંત્રી કિરણ રિજ્જૂ હાજર રહ્યા

નાગાલેન્ડમાં નવનિર્વાચિત સરકારના CM નેફિયો રિયોએ આજે મુખ્યમંત્રી પદના શપથ લીધા છે. કોહિમા લોકલ ગ્રાઉન્ડમાં આયોજિત કાર્યક્રમમાં નેફિયોની સાથે 10 ધારાસભ્યોએ પણ કેબિનેટ મંત્રી પદના શપથ લીધા.

આવુ પહેલીવાર બન્યુ જ્યારે રાજ્યમાં નવી સરકાર માટે આટલા વિશાળ સ્તરે શપથ ગ્રહણ સમારોહનું આયોજન કરવામાં આવ્યુ. આ દરમિયાન ભારતીય જનતા પાર્ટીના અધ્યક્ષ અમિત શાહ, રક્ષા મંત્રી નિર્મળા સીતારમણ, કેન્દ્રીય મંત્રી કિરણ રિજ્જૂ પણ હાજર રહ્યા.

શપથ ગ્રહણ માટે કોહિમા લોકલ ગ્રાઉન્ડની જ પસંદગી કેમ કરવામાં આવી. કેમ કે 1963માં તત્કાલિન રાષ્ટ્રપતિ સર્વપલ્લી રાધાકૃષ્ણને અહીંયાથી નાગાલેન્ડ રાજ્યની રચનાનું એલાન કર્યુ હતુ. રાજ્યમાં પૂર્ણ થયેલ વિધાનસભા ચૂંટણીમાં નેશનલ ડેમોક્રેટિક પ્રોગેસિવ પાર્ટી ( NDPP)એ પ્રગતિ કરી હતી, જે બાદ પાર્ટીએ BJPની સાથે મળીને રાજ્યમાં સરકાર બનાવવાનો નિર્ણય કર્યો હતો.

નાગાલેન્ડના રાજ્યપાલ પીબી આચાર્ય દ્વારા NDPP નેતા નેફિયો રિયોની CM તરીકે નિમણૂક કરવામાં આવી છે. ભારતીય બંધારણની કલમ 164 (1) અનુસાર રાજ્યપાલે આ નિમણૂક કરી છે. રાજ્યપાલે નેફિયો રિયોથી 16 માર્ચ સુધી પોતાનો બહુમત સાબિત કરવાનું કહ્યું છે. આજે માર્ચે નવી સરકારનો શપથ ગ્રહણ સમારોહ થશે. ભાજપ-એનડીપીપીએ એક સાથે ચૂંટણી લડી હતી. બંને પાર્ટીઓએ 32 ધારાસભ્યોનું સમર્થન રજૂ કરવાનું કહ્યું હતુ.

Happy Women’s Day

એશિયા કપ તીરંદાજીમાં ભારતની મુસ્કાન-પ્રોમીલાએ ગોલ્ડ જીત્યા

- બેંગકોકમાં ચાલી રહેલી ટુર્નામેન્ટમાં ભારતનું પ્રભુત્વ  :ભારતે બે બ્રોન્ઝ મેડલ પણ મેળવ્યા
એશિયા કપ તીરંદાજીમાં ભારતની મુસ્કાન કરીર અને પ્રોમીલા દૈમારીએ ગોલ્ડ મેડલ જીત્યો હતો. સ્ટેજ-વન ઈવેન્ટમાં ભારતની પ્રોમીલાએ મહિલાઓની રેક્યુર્વે ઈવેન્ટમાં અને મુસ્કાને કમ્પાઉન્ડ ઈવેન્ટમાં આ સફળતા મેળવી હતી. જ્યારે ભારતની મધુ વેદવાન અને ગૌરવ લામ્બેએ બ્રોન્ઝ મેડલ જીતવામાં સફળતા પ્રાપ્ત કરી હતી.મહિલાઓની કમ્પાઉન્ડ તીરંદાજીની ફાઈનલમાં ભારતની મુસ્કાન કરીરે ફાઈનલમાં મલેશિયાની ઝાકરીયા નાધીરાહને માત્ર ત્રણ પોઈન્ટથી હરાવીને ગોલ્ડમેડલ જીત્યો હતો. મુસ્કાને ૧૩૯-૧૩૬થી ફાઈનલ જીતી હતી. જ્યારે રેક્યુર્વે ઈવેન્ટની ફાઈનલમાં પ્રોમીલાએ રશિયાની સ્ટાર ખેલાડી એર્ડીનીવા નાતાલ્યાને ૭-૩થી હરાવીને ભારત માટે ગોલ્ડ મેડલ જીત્યો હતો.મેન્સ રેક્યુર્વે ઈવેન્ટમાં ગૌરવ લામ્બેએ અને વિમેન્સ રેક્યુર્વે ઈવેન્ટમાં મધુ વેદવાને બ્રોન્ઝ સફળતા હાંસલ કરી હતી. વેદવાને ૬-૫થી મોંગોલિયાની ઈન્ખ્તુયાને હરાવી હતી. જ્યારે લામ્બેએ મલેશિયાના કમરુદ્દીન હાઝીકને પરાસ્ત કર્યો હતો. ભારતની યશ્વી ઉપાધ્યાય, દિવ્યા ધયાલ અને હિવરાલે મ્રીનાલ અનિલને ક્વાર્ટર ફાઈનલમાં હારનો સામનો કરવો પડયો હતો.

આંદામાનમાં ૧૬ દેશોની નૌકા કવાયત શરૃ : ભારતના ૧૭ યુધ્ધ જહાજ જોડાયા

- ૧૯૯૫માં પહેલી વાર 'મિલન' કવાયત હાથ ધરાઇ હતી

- આઠ દિવસીય કવાયતમાં ઓસ્ટ્રેલિયા, બાંગ્લાદેશ, ઇન્ડોનેશિયા અને સિંગાપોર પણ જોડાયા

- કટોકટીના કારણે માલદિવ્સે કવાયતમાં ભાગ લેવાના ભારતના આમંત્રણનો ઇનકાર

એશિયા વિસ્તારમાં વધતી જતી ગંતદીલી વચ્ચે ભારતીય નૌકા દળે આંદામાન-નિકોબાર ટાપુઓ ખાતે અગ્રણી નૌકા શક્તિઓ સાથે મળી  આઠ દિવસીય કવાયત હાથ ધરી હતી. દ્વીવાર્ષિક કવાયત 'મિલન' ભારતના બે પાડોશીઓ માલદિવ્સ અને શ્રીલંકામાં કટોકટી અને અશિયા વિસ્તારમાં ચીનની વધતી જતી શક્તિ વચ્ચે આ કવાયત હાથ ધરાઇ રહી છે. ભારતીય નૌકાદળના અધિકારીઓએ કહ્યું હતું કે કવાયતમાં ભારતના ૧૭ અને ઓસ્ટ્રેલિયાના ૧૧ સહિત બાંગ્લાદેશ, ઇન્ડોનેશિયા, મલેશિયા, મ્યાંમાર, સિંગાપોર, શ્રીલંકા અને થાઇલેન્ડ સહિત કુલ ૨૮ યુધ્ધ જહાજો ભાગ લઇ રહ્યા છે.

દસમી કવાયતનો ઉદ્દેશ ક્ષેત્રિય સહકાર વદારવા અને  મહત્વની  સમુદ્રી રેખાઓમાં ગેરકાયદે પ્રવૃત્તિઓને  રોકવાનો છે. હાલમાં કટોકટીમાંથી પસાર થઇ રહેલા માલદિવ્સે કવાયતમાં ભાગ લેવાના ભારતના આમંત્રણનો ઇનકાર કર્યો હતો.'યુધ્ધ જહાજો ઉપરાંત ૧૬ દેશોના ૩૯ પ્રતિનીધી મંડળો પણ આંતરરાષ્ટ્રીયઅને  પ્રતિષ્ઠીત કાર્યક્રમમાં ભાગ લેશે જે ૧૯૯૫ પછીથી સૌથી મોટો મેળાવડો હશે.

કવાયત દરમિયાન વિવિધ દેશોના પ્રતિનીધી મંડળો ક્ષેત્રિય સુરક્ષાની સ્થિતિ અને ચીનની વધતી જતી દખલગીરી અંગે ચર્ચા કરશે. હદ્દો જેટી પર પોતાના આગમન સમયે તમામ વિદેશી જહાજોનું ભારતીય પરંપરાગત રીતે બેન્ડ વગાડી સ્વાગત કરવામાં આવ્યું હતું.ભારતના આંદામાન-નિકોબાર કમાન્ડના ૧૧ અને  પૂર્વિય ફલિટના છ જહાજો ભાગ લઇ રહ્યા છે.

નવેમ્બરમાં ભારત, ઓસ્ટ્રેલિયા અને જાપાને મહત્તવના દરિયાઇ રૃટને સુરક્ષિત બનાવવા એક નવી રણનીતી ઘડવા લાંબા સમયથી બાકી ચૌતરફી કવાયત કરવા તૈયારી દર્શાવી હતી. આંદામાન-નિકોબર કમાન્ડના નેજા હેઠળ આ કવાયત હાથ ધરાઇ રહી છે. પહેલી વાર ૧૯૯૫માં 'મિલન'કવાયત હાથ ધરાઇ હતી જેમાં માત્ર પાંચ ડ નૌકાદળોએ ભાગ લીધો હતો.

ઇન્ડો તિબેટીયન બોર્ડર પોલીસમાં પહેલીવાર એક મહિલાની કોમ્બેટ ફોર્સમાં ભરતી કરાઇ

- એરફોર્સના અધિકારીની પુત્ર ૨૫ વર્ષની પ્રકૃત્તિ હવે સરહદની સુરક્ષા કરશે

ઇન્ડો-તિબેટીયન બોર્ડર  પોલીસ દળમાં પહેલા જ વાર એક મહિલાની સીધી બરતીથી કોમ્બેટની ભૂમિકામાં નિમણુંક કરવામાં આવી હતા. વર્ષ ૨૦૧૬માં સરકારે પહેલી વાર  કેન્દ્રના સશસ્ત્ર દળોમાં મહિલા અધિકારીની નિમણુંક કરવાની પરવાનગી આપી ત્યાર પછીથી ઇન્ડો તિબેટીયન બોર્ડર  પોલીસ દળ સૌથી છેલ્લું છે.

માત્ર પ્રાકૃત્તિ તરીકે જ ઓળખાવાનું  પસંદ કરતી ૨૫ વર્ષની આ યુવતીએ ૨૦૧૬માં પહેલી જ ટ્રાયલમાં સીએપીએફની ભરતી માટેની UPSC ની પરિક્ષા પાસ કરી હતી.'મને હમેંશા યુનિફોર્મ પહેરવાની અને દેશની સેવા કરવાની ઇચ્છા થતી હતી. ઇન્ડિયન એરફોર્સમાં સેવા બજાવતા મારા પિતાએ હમેંશા મને પ્રેરણા આપી હતી.ITBP મારી પહેલી પસંદગી હતી'એમ પ્રકૃત્તિએ કહ્યું હતું. માર્ચ મહિનામાં એણે  વાંચ્યું હતું કે ભારત સરકાર પહેલી જ વાર મહિલાઓને પણ ITBPમાં કોમ્બેટ ઓફિસર તરીકે પસંદ કરશે.

ત્યાર પછી બિહારના સમસ્તીપુરની રહેવાસી પ્રાકૃત્તિએ નક્કી કર્યું હતું કે જો મને પસંદ કરવામાં આવશે તો હું ITBP માં જોડાઇશ. પ્રકૃત્તિ એ એન્જીનીયરિંગમાં બેચલરની ડીગ્રી લીધી છે. હાલમાં તે ઉત્તરાખંડના પિથોરાગઢમાં ITBP  ના એકમમાં છે. ટુંક સમયમાં તે દેહરાદૂનમાં ઓફિસર્સ ટ્રેનિંગ એકેડમીના જોડાશે. દેહરાદૂનમાં ટ્રેનિંગ પછી તેને બોર્ડ પોસ્ટમાં સહાયક કમાન્ડન્ટ તરીકે મુકવામાં આવશે.હાલમાં આ ફોર્સમાં મહિલાઓ તો ફરજ બજાવે જ છે, પરંતુ માત્ર કોન્સટેબલની ભૂમિકામાં જ છે.

જમીનના - કદના માપનું કોષ્ટક

1 એકર=40 ગુંઠા,       1 એકર=4840 વાર
1 એકર=43560 ફૂટ,  1 એકર=0.4047 હેકટર
1 એકર=2.5 વીઘા,     1 વીઘા =16 ગુંઠા
1 વીઘા =16 ગુંઠા,       1 વીઘા =17424 ફૂટ
1 હેક્ટર =6.25 વીઘા,  1 ગુંઠા =101.2 મીટર
1 ગુંઠા =121 વાર,       1 ગુંઠા =1089 ચો. ફૂટ
1 મીટર =100 સે.મી.,  1 મીટર =3.28 ફૂટ ,39.37ઈંચ
1 મીટર =1,196 વાર,  1 ચો.મીટર =10.76 ફૂટ
1 વાર =3 ફૂટ,             1 વાર =0.9144 મીટર
1 ચો. વાર =9 ફૂટ        1 ફૂટ =0.3048 મીટર,
1 ઈંચ =25.3 મી. મી.  1 મીટર =1000 મી.મી.
1 ગજ =2 ફૂટ,            1 ગજ =0.61 મીટર
1 કડી =2 ફૂટ,             1 કડી =0.61 મીટર
1 સાંકળ =16 કડી,      1 સાંકળ =10.06 મીટર
1 સાંકળ =33 ફૂટ,        1 કિ.મી. =1000 મીટર
1 કિ.મી.=0.6215માઈલ,1 માઈલ =1609 મીટર
1 કિ.મી. =3280.80 ફૂટ, 1 ફલાંગ =660 ફૂટ
1 ફલાંગ =201,17 મીટર  1 ઘન મીટર =1000 લિટર
1 ઘનફૂટ =0.2831 ઘનમીટર
1 ઘનમીટર =35.31 ઘનફૂટ, 1 ઘન સેમી =1 સીસી 
1 સીસી =1 મિ.લિ.,            1 સીસી =1 ગ્રામ
1 લિટર =1000 સી.સી.,     1 લિટર =1 કિ.ગ્રા.
1ઘનફૂટ =28.317 લિટર     1 લિટર =0.2205 ગેલન
1 ઘનફૂટ =6.24 ગેલન,       1 લિટર =2.205 પાઉન્ડ
1 ઘનમીટર =1000 કિગ્રા    1 ઘનફૂટ =62.4 પાઉન્ડ
1 ગેલન =10 પાઉન્ડ
ગાયકવાડી (અમરેલી વિસ્તાર)
1 વસા =1280 ચો.ફૂટ  ,     1 વસા =118.91 ચો.મી.
1 એકર =34.03 વસા,       1 વીઘા =20 વસા
1 વીઘા =23.51 ગુંઠા,        1 એકર =1.7015 વીઘા
1 વસા =142.22 ચો.વાર