PCI-Current Affairs

ઇન્દિરા ગાંધીએ ફોન ઉપાડતા સામેથી અવાજ આવ્યો 'બુદ્ધ હસ્યાં'

18 મે 1974નાં દિવસે બુદ્ધ જયંતી હતી.

વડાપ્રધાન ઇન્દિરા ગાંધી માટે એ દિવસ સૌથી મોટી પરીક્ષાનો દિવસ હતો. ઇન્દિરા ગાંધી રાહ જોઇ રહ્યાં હતાં એક ફોન કૉલની અને જેવી તેમનાં ફોનની ઘંટડી વાગી ત્યારે ઇન્દિરાએ ફોન ઉપાડતા સામેથી અવાજ આવ્યો 'બુદ્ધ હસ્યાં'. આ સંદેશ સાંભળી ઇન્દિરા ગાંધીએ રાહતનો શ્વાસ અનુભવ્યો હતો. આ ફોન એક વૈજ્ઞાનિકનો હતો અને 'બુદ્ધ હસ્યાં'નો સંદેશ એ થાય છે કે ભારતે પોખરણમાં પરમાણુ પરીક્ષણ કર્યું છે જે સફળ રહ્યું છે. આ સફળતા બાદ વિશ્વમાં ભારત એવો દેશ બની ગયો હતો કે જેણે સંયુક્ત રાષ્ટ્ર સુરક્ષા પરિષદનાં સભ્ય ન હોવા છતાં પણ પરમાણુ પરિક્ષણ કરવાનું સાહસ કર્યું હતું.