વિશ્વ હિપેટાઇટીસ દિવસ

વિશ્વ હિપેટાઇટીસ ડે દર વર્ષે 28 જુલાઈએ વૈશ્વિક જાગૃતિ વધારવા માટે ઉજવાય છે. હિપેટાઇટીસ ચેપી રોગો છે.હિપેટાઇટિસ રસી શોધનાર બારુક બ્લમર્ગ નો જન્મ 1925 માં થયો હતો.

આ રોગ ના પ્રકાર :  A,B,C D, અને E  છે. 

હીપેટાઇટિસ વિશ્વભરમાં લાખો લોકોને અસર કરે છે, તીવ્ર અને ક્રોનિક રોગને કારણે અને દર વર્ષે 1.4 

મિલિયન લોકો મૃત્યુ થાય છે.

વિશ્વ પ્રકૃતિ સંરક્ષણ દિવસ (World Nature Conservation Day)

વિશ્વ પ્રકૃતિ સંરક્ષણ દિવસ 28 મી જુલાઈના રોજ દર વર્ષે ઉજવવામાં આવે છે. પ્રવર્તમાન સંદર્ભમાં સજીવ અને વનસ્પતિની ઘણી પ્રજાતિઓ લુપ્ત થઈ રહી છે. તેનો હેતુ લુપ્ત જીવો અને વનસ્પતિઓનું રક્ષણ કરવા માટે વિશ્વ પ્રકૃતિ સંરક્ષણ દિવસ ઉજવવામાં આવે છે.

વન મહોત્સવ-ગુજરાત

v  69મા વન મહોત્સવ ની ઉજવણી – 2018

“ રક્ષક વન” લોકાર્પણ કાર્યક્રમ( 27 જુલાઈ 2018 ,રૂદ્રમાતા ડેમસાઈટ , તાલુકો : ભુજ ,જિલ્લો કચ્છ)

v  8 મહાનગરપાલિકાઓ , ૩૩ જીલ્લાઓ ,241 તાલુકાઓ તથા 4500 ગામોમાં જનભાગીદારીથી વન મહોત્સવની ઉજવણી- રાજ્યમાં કુલ 9. 77 કરોડ રોપાનું વાવેતર

v  જળસંચય અભિયાન અંતર્ગત નદીકાંઠાઓ ઉપર 850થી વધુ સ્થળોએ 40 લાખ રોપા વાવેતરની કામગીરી

v  ઓગસ્ટ માસ દરમિયાન જિલ્લાદીઠ એક,કુલ ૩૩ “વૃક્ષ રથ” ડોર ટુ ડોર રોપ વિતરણ

v  છેલ્લા બે વર્ષમાં રાજ્યના વન વિસ્તાર બહારના વૃક્ષોમાં 11000 હેક્ટરનો વધારો: વન વિસ્તાર બહારના વૃક્ષોની સંખ્યા વર્ષ 2004 માં 25.1 કરોડથી વધી વર્ષ 2017માં થઈ 34.35 કરોડ

v  છેલ્લા બે વર્ષમાં રાજ્યના વન વિસ્તારમાં 9700 હેકટરનો વધારો

v  દરિયાકિનારાના રક્ષક એવા ચેરના વનોના સતત વધારો ધરાવતું એકમાત્ર રાજ્ય

મિશન વિદ્યા

 પાયાના શિક્ષણને મજબૂત કરી, શિક્ષણના સ્તરને સુધારવાની અનોખી પહેલ!

v  ગુજરાતમાં પ્રાથમિક શિક્ષણના પ્રવેશદરમાં પાછલા ઘણા દાયકાઓની તુલનામાં ખુબજ વિદ્યાર્થીઓનો વધારો થયો છે. આ વર્ષે પણ જે બાળકોનું પરિણામ વાંચન , લેખન અને ગણનમાં નબળું જાણવા મળેલ છે.તે તમામ બાળકો માટે શ્રી વિજયભાઈ રૂપાણી સરકારએ શરૂ કર્યું છે રાજ્યવ્યાપી “ મિશન વિદ્યા”

v  મિશન વિદ્યા હેઠળ 26 જુલાઈ થી 31 ઓગસ્ટ 2018 સુધી સરકારી શાળાઓમાં ભણતા ધોરણ 6 થી 8 ના બાળકોને આપવામાં આવશે. વિશેષ કોચિંગ.

પશ્ચિમ બંગાળનું નામ બદલીને બાંગ્લા રાખવા વિધાનસભામાં ઠરાવ પસાર

- ક્કાવારી પ્રમાણે 'ડબલ્યુ'ના કારણે દરેક બાબતમાં પશ્ચિમ બંગાળને છેલ્લે તક મળતી હતી

- જો કે અંતિમ મંજૂરી તો કેન્દ્રના ગૃહ મંત્રાલયની લેવી પડશે, જેની રાહ જોવાય છે

પશ્ચિમ બંગાળની વિધાનસભાએ આજે રાજ્યનું નામ બાંગ્લા કરવાનો  ઠરાવ પસાર કર્યો હતો.

ત્રણ ભાષા (હિન્દી, બંગાળી અને અંગ્રેજી)માં હવે આ રાજ્યને 'બાંગ્લા' તરીકે જ ઓળખવામાં આવશે.

કક્કવારી પ્રમાણે વેસ્ટ બેંગાલ કામની યાદીમાં છેલ્લે આવતું હોવાના કારણે અનેક વખતે પુરતી તક મળતી નહતી. હવે અંગ્રેજી ભાષામાં 'બી'શબ્દ આવી જવાથી યાદીમાં રાજ્યનું નામ આગળ પોકારવામાં આવશે.

જો કે રાજ્યે કરેલા ઠરાવને અંતિમ મંજૂરી માટે કેન્દ્રના ગૃહ ખાતાની મંજૂરીની રાહ જોવી પડશે.અગાઉ કેન્દ્રે રાજ્ય સરકારની ત્રણ અલગ અલગ ભાષાના નામોની દરખાસ્તને ફગાવી દીધી હતી. જેમાં બંગાળીમાં બાંગ્લા, અંગ્રજીમાં બેંગાલ અને હિન્દીમાં બંગાલ નામોની દરખાસ્ત કરવામાં આવી હતી.

ઇમરાન ખાન પાકિસ્તાનના નવા કેપ્ટન

- પાકિસ્તાનમાં સૈન્યના મનસુબા સફળ, શરીફના શાસનનો અંત

- ઇમરાનના પક્ષ પીટીઆઇને સૌથી વધુ ૧૨૦ બેઠકો, શરીફની પીએમએલ-એન ૬૧ બેઠકો પર સમેટાઇ

નવાઝ શરીફ અને ભુટ્ટોના પક્ષ તેમજ આતંકી હાફિઝ સઇદને જાકારો આપીને પાકિસ્તાનની જનતાએ પૂર્વ ક્રિકેટર ઇમરાન ખાનને સત્તાની કમાન સોંપી છે. ઇમરાન ખાનનો પક્ષ પાકિસ્તાન તેહરીક-એ-ઇંસાફ (પીટીઆઇ) હાલ સૌથી મોટો પક્ષ બનીને ઉભર્યો છે. જ્યારે બીજા ક્રમે નવાઝ શરીફનો પક્ષ પાકિસ્તાન મુસ્લિમ લીગ-નવાઝ (પીએમએલ-એન) રહ્યો છે. 

સોનમ વાંગચૂક અને ભરત વટવાનીને એશિયાનો નોબેલ ગણાતો રેમન મેગ્સેસે પુરસ્કાર

- ૨૦૧૮ના વર્ષનો એવોર્ડ બે ભારતીયો સહિત છ એશિયનોને એનાયત થશે

- ડૉ. વટવાનીએ અસંખ્ય માનસિક બીમારોની સારવાર કરી છે:શિક્ષણ, સંસ્કૃતિ અને પર્યાવરણ માટે વાંગચૂકનું ઉદાહરણરૃપ પ્રદાન

એશિયાનો પ્રતિષ્ઠિત રેમન મેગ્સેસે પુરસ્કાર-૨૦૧૮ માટે કુલ છ એશિયનોના નામની જાહેરાત કરવામાં આવી હતી. એ યાદીમાં સોનમ વાંગચૂક અને ભરત વટવાની એમ બે ભારતીયોનો પણ સમાવેશ થાય છે. આ બંને મહાનુભાવોએ જાહેર જીવનમાં ઉદાહરણરૃપ કાર્ય કર્યું છે.

એશિયામાં નોબલ પારિતોષિક ગણાતા રેમન મેગ્સેસ એવોર્ડની જાહેરાત થઈ હતી. 

જાહેર જીવનમાં ઉમદા કામગીરી કરનારા છ એશિયનોને ૨૦૧૮ના વર્ષનો રેમન મેગ્સેસ એવોર્ડ મળશે. 

ભારતના સામાજિક કાર્યકર્તાઓ - સોનમ વાંગચૂક અને ભરત વટવાની આ એવોર્ડ આપવાની જાહેરાત થઈ છે.

સોનમ વાંગચૂકે શિક્ષણ, સંસ્કૃતિ અને પર્યાવરણ માટે કાર્ય કર્યું છે. થ્રી ઈડિયટમાં આમિર ખાન અભિનિત ફૂંસૂક વાંગડૂનું પાત્ર સોનમ વાંગચૂક પરથી પ્રેરિત હતું. ઓપરેશન ન્યૂ હોપ માટે સોનમ ભારતભરમાં જાણીતા છે. એન્જિનિયરિંગનો અભ્યાસ કરનારા વાંગચૂક લદાખમાં વિદ્યાર્થીઓને કોચિંગ પણ આપે છે.

ડૉ. ભરત વટવાનીએ અસંખ્ય માનસિક બીમાર લોકોની સારવાર કરીને તેમને પરિવાર સુધી મિલન કરાવવાનું ઉદાહરણીય કાર્ય કર્યું છે. ૧૯૮૮થી ડૉ. ભરત વટવાનીએ રસ્તે રઝળતા માનસિક અસ્થિર લોકો માટે સેવાકીય પ્રવૃત્તિ શરૃ કરી હતી. એ પ્રવૃત્તિ પછી માત્ર તેમની સારવાર પૂરતી સીમિત ન રાખતા તેમણે આ ગરીબ માનસિક બીમાર લોકોને ખાવા-રહેવાની સુવિધા આપવા સુધી અને તેનાથીય આગળ વધીને તેમના પરિવાર સુધી મિલન કરાવવા સુધી વિસ્તારી હતી.

ફિલિપાઈન્સના પૂર્વ પ્રમુખ રેમન મેગ્સેસના સન્માનમાં આપવામાં આવતો આ એવોર્ડ આ વર્ષ માટે જે છ લોકોને આપવામાં આવ્યો છે 

એમાં બે ભારતીયો ઉપરાંત ફિલિપાઈન્સના હોવર્ડ ડી, ઈસ્ટ ટિમોરના મારિયા ડી ક્રુઝ, કંબોડિયાના યોક ચેંગ અને વિએટનામના વો થી યેનનો સમાવેશ થાય છે. છ વિજેતાઓમાં મારિયા ડી ક્રુઝ અને વો થી યેન- એમ બે મહિલાઓ પણ સામેલ છે.