PCI-Current Affairs

ગ્રેવિટેશનલ વેવ્સનો પૂરાવો શોધનારા ત્રણ વિજ્ઞાનીને ફિઝિક્સનું નોબેલ

બ્રહ્માંડમાં ક્યાંક 'ગ્રેવિટેશનલ વેવ્સ' એટલે કે ગુરુત્વાકર્ષણના તરંગો છે, એવી સૈદ્ધાંતિક શોધ તો આલ્બર્ટ આઈન્સ્ટાઈને વર્ષ ૧૯૧૩માં જ કરી દીધી હતી.

પરંતુ ગ્રેવિટેશનલ વેવ્સની હાજરીના પ્રત્યક્ષ પૂરાવા મળતા ન હતા. એ પૂરાવા શોધી કાઢવાનું કામ અમેરિકન વિજ્ઞાની ત્રિપુટી રેઈનર વાઈઝ, બેરી બારિશ અને કીપ થોર્પે કર્યું હતું. માટે વર્ષ ૨૦૧૭નું ભૌતિકશાસ્ત્ર (ફિજિક્સ)નું નોબેલ પ્રાઈઝ આ ત્રણેય વિજ્ઞાનીઓને એનાયત થશે.

જોકે ફેબુ્રઆરી ૨૦૧૬માં જ્યારે પહેલી વખત ગ્રેવિટેશનલ વેવ્સના તરંગો ઓળખી શકાયા ત્યારથી જ નક્કી મનાતુ હતું કે આ ત્રણેય વિજ્ઞાાની નોબેલ પ્રાઈઝ મેળવશે. ૧૧ લાખ ડોલર કરતા વધુની રકમ એ ત્રણેયને એનાયત થશે.