ગુરુવાર, 29 જૂન, 2017

'ચણા', 'ચણા -દાળ' સહિત ૬૦૦ નવાં શબ્દોનો ઓક્સફર્ડ ડિક્શનરીમાં સમાવેશ




જગ-વિખ્યાત ઓક્સફર્ડ ડિક્શનરીએ ૬૦૦થી વધુ નવાં શબ્દોને પોતાના શબ્દ-ભંડોળમાં સ્થાન આપ્યું છે, જેમાં ભારતીય શબ્દો ચણા, ચણા દાળનો પણ સમાવેશ થાય છે. ઓક્સફર્ડ ડિક્શનરી જગતભરમાં માઈલસ્ટોન ગણાય છે અને અંગ્રેજી ભાષા માટે એક મહત્ત્વનો ગ્રંથ છે. 

અંગ્રેજી ભાષા જગત પર રાજ કરતી હોવાનું કારણ તેનું આ ખુલ્લાંપણું છે. આખા જગતમાંથી અંગ્રેજી ભાષામાં જે નવાં શબ્દો આવ્યા હોય તેને અંગ્રેજી ભાષા સરળતાથી સ્વીકારી ડિક્શનરીમાં સ્થાન આપે છે. પરિણામે આખી દુનિયાને એ ભાષા પોતીકી લાગે છે.


ચણાને અંગ્રેજીમાં 'ચિક્પીસ' કહેવામાં આવે છે, જ્યારે ચણા-દાળ માટે પણ 'સ્પ્લિટ ચિક્પિક લેન્ટિલ' એવા શબ્દો છે જ. પરંતુ અંગ્રેજી બોલનારા હવે વ્યાપકપણે ચણા, ચણા-દાળ જેવા શબ્દો પ્રયોજતા હોવાથી ડિક્શનરીમાં તેમને સ્થાન મળ્યું છે. એટલે કે અંગ્રેજી વાક્યમાં પણ કોઈ ચણા લખશે તો એ ખોટું નહીં ગણાય.

ટિપ્પણીઓ નથી:

ટિપ્પણી પોસ્ટ કરો