Monday, 5 March 2018


ભારતે પાકિસ્તાનને હરાવીને વર્લ્ડ કપ ટીમ સ્નૂકર સ્પર્ધા જીતી

- પંકજ અડવાણી અને મનન ચંદ્રાનો લડાયક દેખાવ : ભારતનો ૩-૨ ફ્રેમથી ફાઇનલમાં વિજય




પંકજ અડવાણી અને મનન ચંદ્રાનો જોડીએ સ્નુકર વર્લ્ડ કપ ભારત માટે જીતવા પાકિસ્તાનને ફાઇનલમાં હરાવ્યું હતું. બેસ્ટ ઓફ ફાઇવ ફ્રેમમાં ભારત ૦-૨ થી પાછળ હતું અને ત્રીજી ફ્રેમમાં ૦-૩૦ના સ્કોરથી પાછળ હતુ ત્યારે પંકજ અને મનને જોરદાર વળતી લડત આપીને બાકીની ત્રણ ફ્રેમ જીતી લીધી હતી. મનને ૩૯ બ્રેકની રમત રમી હતી. ચોથી ફ્રેમમાં પંકજ અડવાણી પાકિસ્તાનના બાબર મશી સામે ૧-૨૦ થી પાછળ હતો તે પછી તેણે ૬૯ બ્રેક પોઇન્ટ મેળવ્યા હતા. મનન અને મુહમ્મદ આસિફ વચ્ચે આખરી નિર્ણાયક ફ્રેમમાં રસાકસી જામી હતી. પણ મનને રમત આગળ વધતા સંપુર્ણ પ્રભુત્વ મેળવ્યું હતું અને ૭૩-૨૪ થી ફ્રેમ જીતી હતી. ભારતે સેમિફાઇનલમાં ઇરાનને ૩-૨ થી અને પાકિસ્તાને હોંગકોંગને પણ ૩-૨ થી હરાવ્યું હતું.